Fransiyening nissé shehiridiki hujumgha chétishliq gumandardin yene ikki kishi tutqun qilindi

Muxbirimiz ümidwar
2016-07-17
Share

Nyuyork waqti gézitining yézishiche, fransiye saqchi terep fransiyening nissé shehiride, 14 - iyul fransiyening dölet bayrimi küni yüz bergen yük aptomobili bilen ademlerni basturup öltürüsh hujum weqesini tekshürüsh jeryanida weqeni keltürüp chiqarghan tunisliq mohemmed bolél bilen alaqisi bar dep qaralghan bir er we bir ayalni tutqun qildi. Mezkur hujum weqeside 84 adem hayatidin ayrilghan, 200 din artuq adem yarilan'ghan idi.

Buningdin bashqa yene italiye saqchi terepmu fransiyening nissé shehiridiki hujumgha qatnashqanliq gumani bilen 5 kishini tutqun qilghan.

Hazirghiche fransiye saqchi terep jem'iy 7 ademni nissédiki hujum bilen munasiwetlik dep qolgha alghan bolup, bularning ichide mohammad bulélning burunqi ayalimu bar iken.

Fransiye prézidént olland nissédiki hujumni "Térrorluq hujumi" dep qarighan bolup, da'ésh mezkur hujumni sadir qilghanliqini zimmisige alghan.

Fransiye hökümiti eslidin axirlashturmaqchi bolghan jiddiy haletni yene üch ay sozidighabnliqini jakarlighan we shenbe künidin étibaren üchün memliket boyiche matem küni qili békitken.

Pütün fransiye boyiche köp sanda herbiy we saqchi bixeterlikni qoghdash ishlirigha jelp qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet