Атақлиқ фирансуз фотограф "җуғрапийә журнили" да уйғур символлириниң қандақ йоқиливатқанлиқини аңлатти

Мухбиримиз әркин
2021-09-08
Share

Әнглийәниң "җуғрапийә журнили" 7-сентәбир фирансийәлик фотограф патрик вак билән униң уйғур елидә тартқан сүрәтлири вә уйғурларниң һаятидики йеқинқи өзгиришкә даир зиярәт хатирисини елан қилған. "уйғур символлири йоқиливатқан шинҗаңни сүрәткә тартиш" мавзулуқ зиярәт хатирисидә патрик вак 2016-йили билән 2019-йили арилиқида йүз бәргән уйғурларниң һаятидики трагедийәлик өзгириш вә бу қисқиғинә 2-3 йил ичидә уйғурларға аит символларниң қандақ ғайиб болғанлиқлирини тонуштурған.

Униң ейтишичә, "2016-йили йәнила рәңгарәң болған, һәммә йәрдә алтун рәңлик қуббә вә мусулманларниң символлири учрап туридиған, аяллар яғлиқ артип йүридиған бу районда, 2019-йили буларниң һәммиси ғайиб болған".

Йеқинда кодак ширкити патрик вакниң уйғур елидә тартқан рәсимлирини елан қилип, хитайниң қаршилиқиға учриған.

Патрик вакниң бу сүрәтләргә язған чүшәндүрүши хитай даирилирини вә хитай тор кезәрлирини биарам қилған. Кодак ширкитиниң униң сүрәтлирини тордин чүшүрүветиши хәлқарада қаттиқ тәнқидкә учриғаниди.

Патрик вакниң "җуғрапийә журнили" ға ейтишичә, бу мәзгил ичидә уйғурларға аит символлар ғайиб болупла қалмай, районниң нопус қурулмисидиму җиддий өзгириш болған. У, "бу истратегийә районни хитай нопуси билән игиләш арқилиқ уйғурларни аз санлиқ орунға чүшүрүп қоюш" икәнликини билдүргән. Вакниң ейтишичә, у 2019-йили уйғур илиға қайта барғанда хитай саяһәтчилириниң көпәйгәнлики, уйғур һаятиниң мәдәнийәт символлириниң қалмиғанлиқи, һәммә йәрни хитай байриқи қаплап кәткәнликини көргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт