Ataqliq firansuz fotograf "Jughrapiye zhurnili" da Uyghur simwollirining qandaq yoqiliwatqanliqini anglatti

Muxbirimiz erkin
2021-09-08
Share

En'gliyening "Jughrapiye zhurnili" 7-séntebir firansiyelik fotograf patrik wak bilen uning Uyghur élide tartqan süretliri we Uyghurlarning hayatidiki yéqinqi özgirishke da'ir ziyaret xatirisini élan qilghan. "Uyghur simwolliri yoqiliwatqan shinjangni süretke tartish" mawzuluq ziyaret xatiriside patrik wak 2016-yili bilen 2019-yili ariliqida yüz bergen Uyghurlarning hayatidiki tragédiyelik özgirish we bu qisqighine 2-3 yil ichide Uyghurlargha a'it simwollarning qandaq ghayib bolghanliqlirini tonushturghan.

Uning éytishiche, "2016-Yili yenila renggareng bolghan, hemme yerde altun renglik qubbe we musulmanlarning simwolliri uchrap turidighan, ayallar yaghliq artip yüridighan bu rayonda, 2019-yili bularning hemmisi ghayib bolghan".

Yéqinda kodak shirkiti patrik wakning Uyghur élide tartqan resimlirini élan qilip, xitayning qarshiliqigha uchrighan.

Patrik wakning bu süretlerge yazghan chüshendürüshi xitay da'irilirini we xitay tor kézerlirini bi'aram qilghan. Kodak shirkitining uning süretlirini tordin chüshürüwétishi xelq'arada qattiq tenqidke uchrighanidi.

Patrik wakning "Jughrapiye zhurnili" gha éytishiche, bu mezgil ichide Uyghurlargha a'it simwollar ghayib bolupla qalmay, rayonning nopus qurulmisidimu jiddiy özgirish bolghan. U, "Bu istratégiye rayonni xitay nopusi bilen igilesh arqiliq Uyghurlarni az sanliq orun'gha chüshürüp qoyush" ikenlikini bildürgen. Wakning éytishiche, u 2019-yili Uyghur iligha qayta barghanda xitay sayahetchilirining köpeygenliki, Uyghur hayatining medeniyet simwollirining qalmighanliqi, hemme yerni xitay bayriqi qaplap ketkenlikini körgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet