Erdoghan xitay muxbirning sherqi türkistan toghriliq so'aligha kütülgen jawabni bermigen

Türkiye awazi radi'osining bügünki Uyghurche xewiridin melum bolushiche, 20 dölet bashliqliri yighinigha qatnishiwatqan türkiye dölet re'isi rejep tayyip erdoghan bir xitay muxbirning sherqi türkistan toghriliq so'allirigha kütülgen neq jawabni bermigen.

Xewerde déyilishiche, xitay muxbir erdoghan'gha “Siz xitay dölet re'isi shi jinping bilen ötküzgen uchrishishingizda ‛sherqiy türkistan‚ mesilisi toghrisida sözleshtingizmu? u yerdiki islami heriketler toghrisida sözleshtingizmu? xitay bilen térrorluqqa qarshi küreshte hemkarliq ornitish boyiche roshen halda qandaq ishlarni qilisiz? bolupmu, türkiyediki xitay puqralirining türkiyediki zorawanliq weqelirining tesirige uchrimasliqini kapaletke ige qilish üchün qandaq ishlarni qilisiz?” dégen so'allirining héchyirige éniq we neq jawab bermigen.

Peqet türkiyening zorawanliq we térrorluqning herqandaq sheklige, herqandaq jayda qarshi turidighanliqini we shi jinping bilen bu heqte sözleshkenlikini éytqan.

Erdoghan jawabida sherqi türkistandiki weqeler yaki sherqi türkistan küchlirini tilgha almighan, peqet iraq islam döliti teshkilatining islamgha wekillik qilalmaydighanliqi heqqide tepsiliy toxtalghan. U muxbirning so'alidiki xata uqumgha reddiye bérip “Islami hayat bilen térrorluq weqelirining bir-birige baghlanmasliqi lazim” liqini eskertken.