Alim séyitof: prézidént barak obama 20 dölet bashliqliri yighinida Uyghur mesilisini otturigha qoyushi kérek

Muxbirimiz méhriban
2016.08.30
Share on WhatsApp
Share on WhatsApp

29-Awghust küni amérikidiki Uyghur kishilik programmisi bayanat élan qilip, amérika prézidénti barak obamadin, kéler hepte xitayda échilidighan 20 dölet bashliqliri yighini mezgilide, Uyghur mesilisini otturigha qoyushni telep qildi.

Bayanatta Uyghur kishilik hoquq programmisi bashliqi alim séyitofning sözi neqil élinip,“Prézidént obama, 20 dölet bashliqliri yighini mezgilide xitay re'isi shi jinping bilen uchrashqanda choqum sherqiy türkistanda barghanche yamanlishiwatqan kishilik hoquq mesilisini otturigha qoyushi kérek” déyilgen.

Alim séyitof bayanatta yene, xitay hökümitining Uyghurlarni térror bahaniside basturushni kücheytiwatqanliqini tekitlep, “Xitay hökümiti sherqiy türkistanda térrorluqqa zerbe bérishni bahane qilip, xitay armiyisining chong tiptiki manéwirlirini ötküzüwatidu, manéwirlarda hetta uchquchisiz ayropilanlarni öz ichige alghan éghir qorallarmu ishlitildi. Bu heqte amérika dölet ministirliqimu mexsus bayanat élan qilip, xitay hökümitining térrorluqqa zerbe bérish namida Uyghurlarni basturuwatqanliqini tenqidligen idi” dégen.

Uyghur pa'aliyetchiliri we weziyet analizchilirining qarishiche, da'iriler Uyghurlarning xitay hökümitige bolghan naraziliqi sewebidin yüz bergen herqandaq qarshiliqini “Térrorluqqa zerbe bérish” namida qoralliq saqchilar we herbiyler arqiliq basturushni köpeytken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.