Gensuda yer tewrep, 127 adem ölgen

Washin'gtondin muxbirimiz jewlan teyyarlidi
2023.12.19

12-Ayning 19-küni kéchide gensu ölkiside 6.2 Bal yer yer tewrep, az dégende 127 adem ölgen, 700 adem yarilan'ghan. BBC Torining bu heqte bergen xewirige qarighanda, tunggan musulmanliri bir qeder köp jaylashqan gensudiki yer tewresh gensu ölkisidin halqip, chingxey ölkisige qeder tesir körsetken. Uyghur rayonining gensugha chégradash jayliridimu 5.5 Bal yer tewrigen.

Xitayning “Shinxu'a agéntliqi” atush shehiridimu 5.5 Bal yer tewrigenliki heqqide xewer bergen bolup, “Hazirche ölüm-yétim, yarilinish yaki mal-mülükning ziyan-zexmetke uchrighanliqi toghruluq melumat yoq” déyilgen.

Xitay taratqulirining melumatigha asaslan'ghanda, gensudiki yer tewresh xitayda 2014-yildin buyan ölüm-yétim köp körülgen bir qétimliq apet iken. Xitay kompartiyesi bash sékrétari shi jinping gensudiki yer tewreshte apetke uchrighanlarni jiddiy qutquzush, yaridarlarni dawalash, ziyanni azaytish heqqide yolyoruq bergen. Halbuki qoshna rayonlar, jümlidin Uyghur rayonida yüz bergen yer tewresh we uning aldini élish toghruluq gep qilmighan. Nöwette, Uyghur rayonining bu yer tewreshning tesirige qanchilik uchrighanliqi we yüz bergen hadisiler heqqide éniq melumat yoq.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.