Gérmaniye-firansiye kishilik hoquq mukapatigha érishken xitay pa'aliyetchining mukapati béyjingda tarqitip bérildi

“Gérmaniye-firansiye kishilik hoquq qanun mukapati” gha érishken xitay pa'aliyetchi wang shawlingning mukapati charshenbe küni béyjingda tarqitip bérilgen. Wang shawling bu yilliq gérmaniye-firansiye kishilik hoquq qanun mukapatigha érishken.

Emma, xitay hökümiti bu ayning bashliri uning bérlin'gha bérip, mukapat tapshuruwélishigha kashila chiqarghachqa, u mukapat tarqitish murasimigha qatnishalmighan. Xitay hökümiti gérmaniye bilen firansiyege naraziliq bildürgen idi.

Lékin gérmaniyening béyjingda turushluq elchisi maykél kla'us bilen firansiye elchisi moris gorda'ut montégni charshenbe küni béyjingda murasim ötküzüp, wang shawlingning mukapatini uninggha tapshurup bergen. Murasim firansiye elchixanisida ötküzülgen bolup, murasimgha yawropa ittipaqining béyjingda turushluq wekili qatnashqan.

Bu mukapat wang shawlingning xitayda tutqun qilin'ghan 709 neper adwokat, pa'aliyetchi we ularning a'ile tawabi'atini qoghdash yolida körsetken pidakarliqigha bérilgen. Wang shawling murasimda, bu mukapat qolgha élin'ghan 709 neper adwokat, ularning a'ile tawabi'ati we aqlighuchi adwokatlirigha mensup ikenlikini bildürüp, xelq'ara jem'iyetni qolgha élin'ghan adwokat, pa'aliyetchilerge dawamliq köngül bölüshke chaqirghan.

Xitay hökümiti 2015‏-yili 5-aydin bashlap kishilik hoquq adwokatlirini memliket xaraktérlik basturush herikiti qozghap, nurghun adwokatlarni tutqun qilghan, qolgha alghan we nezerbend qilghan idi.