Gérmaniye hökümiti xitaygha taqabil turush meqset qilin'ghan yéngi istratégiyesini élan qildi

Washin'gtondin muxbirimiz irade teyyarlidi
2023.07.13

Gérmaniye hökümiti xitaygha qaritidighan siyasetlirini belgileydighan xitay istratégiyesini élan qilghan. Bir qanche aydin béri muzakire qiliniwatqan bu istratégiyening yawropaning omumiy xitay istratégiyesini belgileydighanliqi mölcherlenmekte.

13-Iyul küni, gérmaniye hökümiti teripidin resmiy testiqlinip élan qilin'ghan höjjette mundaq déyilgen: “Xitay özgerdi. Bu özgirishning we xitayning siyasiy qararining netijiside bizmu xitaygha bolghan köz qarishimizni özgertishimiz kérek”.

Roytérs agéntliqining déyishiche, yéngi istratégiyede xitay “Sistémiliq reqib” dep atalghan. Bu 64 betlik istratégiye höjjiti xitay hökümitining tinch okyan rayonidiki zomigerlik heriketlirining küchiyishi we hemde teminlesh zenjirlirining bixeterliki endishisidin kéyin xitaygha bolghan istratégiyelik tayinishchanliqini azaytish teqezzasi netijiside otturigha chiqqaniken.

Gérmaniye bash ministiri olaf sholz tiwittérda qilghan sözide: “Bizning meqsitimiz béyjingdin ayrilish emes. Emma xitaygha bolghan halqiliq béqinishni azaytishni meqset qilghan” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.