Xitay, Uyghurlarni qollighan gérmaniye yéshillar partiyesi parlamént ezasigha wiza bérishni ret qilghan

Muxbirimiz erkin
2019-08-05
Élxet
Pikir
Share
Print

Xitay hökümiti gérmaniye yéshillar partiyesi rehbiri, gérmaniye parlamént ezasi margarét ba'uz xanimgha wiza bérishni ret qilghan. Gérmaniye taratqulirining xewer qilishiche, xitayning margarét ba'uz xanimgha wiza bérishni ret qilishigha uning Uyghurlarni izchil qollishi seweb bolghan.

Esli gérmaniye parlaméntining dijital komitéti bu ayning axirlirida xitayni ziyaret qilip, xitayning shangxey, béyjing qatarliq sheherliride tekshürüsh élip barmaqchi idi. "Gérmaniye dolqunliri" radi'osining xewer qilishiche, margarét ba'uz xanim dijital komitétining ezasi bolup, bu ziyaret xitayning uninggha wiza bérishni ret qilishi seweblik emelge ashmasliq xewpige duch kelgen.

Margarét ba'uz xanim ötken yili 11‏-ayda gérmaniye parlaméntida Uyghurlarning kishilik hoquq mesilisini otturigha qoyup, qattiq munazire qozghighan. U, bir milyondin artuq Uyghurning qamalghanliqi, basturushqa we ten jazasigha uchrawatqanliqi, shundaqla Uyghur medeniyitining yoqitishqa uchrawatqanliqini tekitligenidi. 

Margarét ba'uz xanimning "Gérmaniye dolqunliri" radi'osigha bildürüshiche, u gérmaniye parlaméntida sözleshtin bir kün awwal xitayning gérmaniyede turushluq elchixanisi uning ishxanisigha téléfon qilip, uning Uyghur mesilisini parlaméntta otturigha qoymasliqini telep qilghaniken. U, xitay terep özige néme üchün wiza bermigenlikini chüshendürmigen bolsimu, lékin buninggha özining Uyghur kishilik hoquq mesilisige köngül bölüshi seweb boldi, dep qaraydighanliqini tekitligen. "Gérmaniye dolqunliri" ning xewiride qeyt qilinishiche, xitay, gérmaniye parlaméntining dijital komitétigha wiza bérishni ret qilipla qalmay, uning kishilik hoquq komitétighimu wiza bérishni ret qilghan. Mezkur komitétning bu yil 9‏-ayda béyjing, tibet we Uyghur rayonlirida ziyarette bolush pilani bar idi.

Toluq bet