Д у қ германийәни уйғурларға қаритилған «ирқий қирғинчилиқ» қа қарши авазини йүксәлтишкә чақирди

Мухбиримиз әркин
2020-08-28
Share

Дуня уйғур қурултийи 28-авғуст баянат елан қилип, германийәни хитайниң уйғурларға қаритилған «ирқий қиғинчилиқи» ға қарши авазини йүксәлтишкә чақирди. Д у қ ниң мәзкур баянати хитай ташқи ишлар министири ваң йиниң германийә зиярити һарписида елан қилинған. Баянатта тәткилинишичә, германийә һөкүмити ваң йиниң зияритидин пайдилинип, «уйғур кризисини ашкара оттуриға қоюши, хитайниң уйғурларға қарита елип барған ирқий қирғинчилиқини җавабкарлиққа тартиши керәк» икән.

Германийә ваң йиниң 25-авғусттин башланған 6 күнлүк явропа зияритиниң ахирқи бекити. Бүгүн фирансийә зияритини башлиған ваң йи өзиниң италийә, голландийә, норвегийәдики зиярәтлиридә уйғур вә кишилик һоқуқ тәшкилатлириниң қаттиқ қаршилиқиға учриғаниди. Д у қ ниң баянатида хитайниң уйғур дияридики қилмиши б д т әһдинамисиниң иқрий қирғинчилиқ тәбирлиригә чүшидиғанлиқи, «бундақ дәһшәтлик вәһшиликкә германийә вә хәлқара җәмийәтниң күчлүк вә бирдәк инкас билдүрүши тәләп қилинидиғанлиқи», «буниң чоқум коллектип виҗданни чөчитип, җиддий вә әмәлий һәрикәт қоллинишқа түрткә болуши керәклики» тәкитләнгән.

Германийә б д т да хитайниң уйғур кишилик һоқуқ дәпсәндичиликини тәнқидләп кәлгән болсиму, лекин униңға қарши һерчқандақ бир әмәлий һәрикәттә болуп бақмиған. Земинис, волкисваген қатарлиқ германийә ширкәтлириниң уйғур дияридики сода палаийәтлиригә көз юмуп кәлгәниди. Д у қ баянатида, нөвәттә германийәниң принсиплиқ мәйданини ипадиләп, уйғур кризисини оттуриға қоюш, бу трагедийәни һәл қилиш үчүн һәрикәт қилишниң пурситигә еришкәнликини билдүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.