D u q gérmaniyeni Uyghurlargha qaritilghan "Irqiy qirghinchiliq" qa qarshi awazini yükseltishke chaqirdi

Muxbirimiz erkin
2020-08-28
Élxet
Pikir
Share
Print

Dunya Uyghur qurultiyi 28-awghust bayanat élan qilip, gérmaniyeni xitayning Uyghurlargha qaritilghan "Irqiy qighinchiliqi" gha qarshi awazini yükseltishke chaqirdi. D u q ning mezkur bayanati xitay tashqi ishlar ministiri wang yining gérmaniye ziyariti harpisida élan qilin'ghan. Bayanatta tetkilinishiche, gérmaniye hökümiti wang yining ziyaritidin paydilinip, "Uyghur krizisini ashkara otturigha qoyushi, xitayning Uyghurlargha qarita élip barghan irqiy qirghinchiliqini jawabkarliqqa tartishi kérek" iken.

Gérmaniye wang yining 25-awghusttin bashlan'ghan 6 künlük yawropa ziyaritining axirqi békiti. Bügün firansiye ziyaritini bashlighan wang yi özining italiye, gollandiye, norwégiyediki ziyaretliride Uyghur we kishilik hoquq teshkilatlirining qattiq qarshiliqigha uchrighanidi. D u q ning bayanatida xitayning Uyghur diyaridiki qilmishi b d t ehdinamisining iqriy qirghinchiliq tebirlirige chüshidighanliqi, "Bundaq dehshetlik wehshilikke gérmaniye we xelq'ara jem'iyetning küchlük we birdek inkas bildürüshi telep qilinidighanliqi", "Buning choqum kolléktip wijdanni chöchitip, jiddiy we emeliy heriket qollinishqa türtke bolushi kérekliki" tekitlen'gen.

Gérmaniye b d t da xitayning Uyghur kishilik hoquq depsendichilikini tenqidlep kelgen bolsimu, lékin uninggha qarshi hérchqandaq bir emeliy herikette bolup baqmighan. Zéminis, wolkiswagén qatarliq gérmaniye shirketlirining Uyghur diyaridiki soda pala'iyetlirige köz yumup kelgenidi. D u q bayanatida, nöwette gérmaniyening prinsipliq meydanini ipadilep, Uyghur krizisini otturigha qoyush, bu tragédiyeni hel qilish üchün heriket qilishning pursitige érishkenlikini bildürgen.

Toluq bet