Gérmaniye bash ministiri mérkil xitayni “Az sanliq milletlerni xarlidi” dep eyibligen

Muxbirimiz jewlan
2020.09.30

Firansiye axbarat agéntliqining 30-séntebir xewer qilishiche, gérmaniye bash ministiri mérkil xitayning az sanliq milletlerni rehimsizlerche basturghanliqini eyibligen hemde xitaygha qarshi pikirde bolghan xong kongluq zatlarning teqdiridin ensirewatqanliqini tekitligen.

Mérkil yawropa ittipaqi rehberler yighini échilishtin bir kün awwal gérmaniye parlaméntida söz qilip, pat arida xitay terep bilen körüshkende kishilik hoquq mesilisi we xongkong weziyitini tilgha alidighanliqini éytqan. U yene “Men xitay hökümitining az sanliq milletlerni qebihlik bilen basturuwatqanliqi mesilisinimu otturigha qoyimen” dégen, emma bu milletlerning ismini tilgha almighan. Halbuki, pa'aliyetchiler xitayning Uyghur musulmanlirini basturup kéliwatqanliqini eyblep kelgenidi.

Xewerde bildürülüshiche, gérmaniyening xitaydiki sodisi chong bolup, xitay bilen izchil yéqin munasiwet ornitip kelgen. Gérmaniyediki pa'aliyetchiler gérmaniye hökümitini Uyghurlarni qollashqa heydekchilik qilip kelgen bolup, xitay tashqi ishlar ministiri wang yi gérmaniyeni ziyaret qilghanda gérmaniye tashqi ishlar ministiri aldida namayish ötküzgen.

Gherb ellirining xitaygha süküt qilishi, xitayni ashkara yaki yoshurun qollishi barghanche nomusluq ishqa aylan'ghan. Amérika tashqi ishlar ministiri mayk pompéyo 30-séntebir watkanni amérika bilen bir septe turup, xitayning diniy erkinlikke tajawuz qilish jinayitini eyibleshke chaqirghan bolup, “Katolik dini kishilik hoquqni qoghdash kürishining aldinqi sépide turushi kérek” dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.