Германийәдики кишилик һоқуқ тәшкилати чен чүәнго қатарлиқларниң явропаға киришини чәкләшни тәләп қилди

Мухбиримиз әркин
2019-12-06
Елхәт
Пикир
Share
Принт

«Хәтәр астидики хәлқләр җәмийити» намлиқ германийә кишилик һоқуқ тәшкилати баянат елан қилип, явропа иттипақини хитайниң «шинҗаң һөҗҗәтлири» гә инкас қайтурушқа, чен чүәнго, җу хәйлүн, ваң җүнҗең қатарлиқ хитай әмәлдарлириниң явропаға киришини чәкләшкә чақирған. Мәзкур тәшкилатниң йеқинда елан қилған баянатида тәкитлинишичә, явропа иттипақи юқириқи хитай әмәлдарлириға саяһәт чәклимиси вә малийә имбаргоси қоюши керәк икән.

Баянатта, уйғур аптоном районлуқ партком секретари чен чүәнго, шундақла сияси қанун комитетиниң сабиқ секретари җу хәйлун, униң орнини басқан ваң җүнҗең қатарлиқларниң явропаға киришигә йол қоймаслиқ тәләп қилинип, бу шәхсләрниң уйғур аптоном районидики мусулманларни бастурушта зор җавабкарлиқи барлиқи билдүрүлгән. Баянатта тәкитлинишичә, әгәр явропа иттипақи кишилик һоқуқни хорлиғучиларниң қилмишини сүрүштүрүштә җидди болса, хитайниң «шинҗаң һөҗҗәтлири» гә җиддий муамилә қилиши керәк икән.

Мәзкур баянат явропа комиссийәсиниң йеңи рәиси, сабиқ германийә дөләт мудапиә министири урсула фон дер лейен явропа комиссийәсиниң рәисилик вәзиписигә олтурушниң һарписида елан қилинған. Урсула фон дер лейен илгири хитайға қарита қаттиқ қол болидиғанлиқиниң бишаритини бәргән. У «хитайниң тәһдитигә сәл қаралғанлиқи» ни билдүргәниди. «Тәһдит астидики хәлқләр җәмийити» баянатида, җү хәйлунниң уйғур районида лагер системисини иҗад қилип, бир йерим милйон уйғур, қазақ, қирғиз вә туңганларни тутқун қилғанлиқи, нөвәттә униң сияситини ваң җүнҗеңниң иҗра қиливатқанлиқи, чен чүәнгониң йүзмиңлиған хитай кадирини уйғур аилилиригә орунлаштуруп, уларни назарәт қиливатқанлиқи, униң йәнә уйғур, қазақ вә қирғизларни омумйүзлүк террорлуқ билән әйибләп, уларниң мәдәнийити вә диний етиқадини вәйран қилишқа киришкәнликини билдүргән.

Пикирләр (0)
Share
Толуқ бәт