«Германийә авази» тори: валксваген(Volkswagen) ниң уйғур районидики завути мәҗбурий әмгәк билән четишлиқи болуши мумкин

Мухбиримиз җәвлан
2020-11-12
Share

«Германийә авази» ториниң 12-ноябир хәвәр қилишичә, германийәниң машина ясаш ширкити валксвагенниң үрүмчигә қурулған тармақ завути бу райондики мәҗбурий әмгәк билән четишлиқи болуши мумкин икән. Чүнки коммунист хитай һөкүмити тәрипидин үсти очуқ түрмигә вә қул ишчи базисиға айландурулған бу район һәр қандақ завутни әмгәк күчи билән тәминлийәләйдикән.

Мәзкур тор бетидә бу һәқтә 3 йерим минутлуқ бир видийо елан қилинған болуп, хитайниң лагерға милйонлиған адәмләрни солап, у йәрдин қоюп бәргәнлирини мәҗбурий әмгәккә селиватқанлиқи, валксвагенниң үрүмчидики завутиниму тәқиб вә назарәт астиға елип башқуруватқанлиқи көрситилгән. Бу видийода зиярәт қилинған валксваген ширкитиниң мәсули бу тармақ завутни қурушниң 10 нәччә йил бурун пиланланғанлиқини, буниңда һечқандақ сиясий мәқсәтниң йоқлуқини вә ширкәтниң бүгүнки вәзийәт билән алақиси йоқлуқини ейтиду. У йәнә бу завутта қул ишчи мәсилиси йоқлуқини, завутқа адәм қобул қилишта униң архипиға вә қабилийитигә қарайдиғанлиқини, йүз туранә синақ алидиғанлиқини әскәртиду. Әмма мухбир бу завутниң әтрапида айлинип йүргәндә сақчиларниң тосқунлуқиға учрайду.

Мухбир бир яқтин бу завутниң сиртқа толуқ ечилмиғанлиқини, униң ичидә ашкарилашқа болмайдиған ишларниң барлиқини билдүрсә, бир яқтин хитайниң бу районда чоң типтики завутларни қуруп уни қоғдайдиғанлиқини, бу районни техиму әрзан әмгәк күчигә толған санаәт базисиға айландуруватқанлиқини оттуриға қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт