"Gérmaniye awazi" tori: walkswagén(Volkswagen) ning Uyghur rayonidiki zawuti mejburiy emgek bilen chétishliqi bolushi mumkin

Muxbirimiz jewlan
2020-11-12
Share

"Gérmaniye awazi" torining 12-noyabir xewer qilishiche, gérmaniyening mashina yasash shirkiti walkswagénning ürümchige qurulghan tarmaq zawuti bu rayondiki mejburiy emgek bilen chétishliqi bolushi mumkin iken. Chünki kommunist xitay hökümiti teripidin üsti ochuq türmige we qul ishchi bazisigha aylandurulghan bu rayon her qandaq zawutni emgek küchi bilen teminliyeleydiken.

Mezkur tor bétide bu heqte 3 yérim minutluq bir widiyo élan qilin'ghan bolup, xitayning lagérgha milyonlighan ademlerni solap, u yerdin qoyup bergenlirini mejburiy emgekke séliwatqanliqi, walkswagénning ürümchidiki zawutinimu teqib we nazaret astigha élip bashquruwatqanliqi körsitilgen. Bu widiyoda ziyaret qilin'ghan walkswagén shirkitining mes'uli bu tarmaq zawutni qurushning 10 nechche yil burun pilanlan'ghanliqini, buningda héchqandaq siyasiy meqsetning yoqluqini we shirketning bügünki weziyet bilen alaqisi yoqluqini éytidu. U yene bu zawutta qul ishchi mesilisi yoqluqini, zawutqa adem qobul qilishta uning arxipigha we qabiliyitige qaraydighanliqini, yüz turane sinaq alidighanliqini eskertidu. Emma muxbir bu zawutning etrapida aylinip yürgende saqchilarning tosqunluqigha uchraydu.

Muxbir bir yaqtin bu zawutning sirtqa toluq échilmighanliqini, uning ichide ashkarilashqa bolmaydighan ishlarning barliqini bildürse, bir yaqtin xitayning bu rayonda chong tiptiki zawutlarni qurup uni qoghdaydighanliqini, bu rayonni téximu erzan emgek küchige tolghan sana'et bazisigha aylanduruwatqanliqini otturigha qoyghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet