Хитай мутәхәссиси оттура шәрқтики “ғазатчи уйғурлар” ниң қайтип келишидин әндишә қилидиғанлиқини билдүрди
Хитай иҗтимаий пәнләр академийә чегра тәтқиқат институтиниң башлиқи шиң гуаңчең, хитайниң оттура шәрқтики “ғазатчи уйғурлар” дин әндишә қилидиғанлиқини билдүргән. Шиң гуаңчең, “шинҗаң мәдәнийәт алмаштуруш вәкилләр өмики” намидики мутәхәссисләр гурупписиниң тәркибидә австралийәгә кәлгән.
У бу сөзләрни мәзкур гуруппиниң чаршәнбә күни седний шәһиридә австралийә хәлқара мәсилиләр институти билән өткүзгән сөһбәт йиғинида тәкитлигән.
Униң илгири сүрүшичә, хитай һөкүмити радикал уйғур яшлириниң оттура шәрққә берип һәрбий тәлим - тәрбийә елишидин вә қайтип келип хитайниң бихәтәрликигә тәһдит селишидин әндишә қилидикән.
Мәзкур гуруппиниң австралийәни зиярәт қилишидики муддиаси австралийәгә уйғурларниң “террорлуқ” тәһдит икәнликини чүшәндүрүшму, яки бихәтәрлик мәсилилиридә өз - ара пикир алмаштурушму буниси намәлум.
Хитай һөкүмити шәрқий җәнуби асия арқилиқ түркийәгә қачқан уйғур мусапирлирини оттура шәрқтики “ғазатчи гуруһлар” ға бағлап кәлгән. Әмма кишилик һоқуқ тәшкилатлириниң илгири сүрүшичә, бу уйғурлар хитайниң диний вә мәдәнийәт җәһәттики бесимидин қачқан мусапирлар.
Гуаңчең австралийә хәлқара мәсилиләр институтида хитай һөкүмити уйғурларниң ислам дөлитигә қатнишишиға тақабил туруш үчүн райондики дөләтләр билән һәмкарлиқни күчәйтиватқанлиқини билдүргән, әмма у қандақ амил уйғурларни чәтәлгә қечишқа мәҗбурлаватқанлиқини тилға алмиған.
- Нури түркәл: “мениң комиссарлиқ хизмитим болсун вә яки һазирқи рәислик хизмитим болсун һәммиси асаслиқ уйғурларниң хизмитини қилишни мәркәз қилған”
- Бәхтияр бөрә: “мән уйғур, мән террорчи әмәс, ирқий қирғинчилиқни тохтат”
- Америка уйғур академийәсиниң 3-нөвәтлик сайлимида алдинқи хизмәтләр хуласилинип йеңи пиланлар оттуриға қоюлди
- Дуня мусапирлар күнидә уйғур мусапирлирини канадаға йәрләштүрүш һәққидә тәклип лайиһәси сунулди
- Доктор адриян зенз германийәдики уйғур җамаити тәрипидин қизғин алқишланди
