Хитай һөкүмити ғәрб дунясини «бәхтлик шинҗаң» моделини өгинишкә тәвсийә қилмақта

Мухбиримиз әзиз
2019-07-11
Елхәт
Пикир
Share
Принт

Хитай һөкүмитиниң уйғурлар дияридики сиясий бастуруш һәрикити һәрқайси хәлқаралиқ мунбәрләрдә кәскин тәнқидләргә дуч келиватқанда хитай һөкүмити өзлириниң бу һәрикитини дуня миқясиға кеңәйтиш лазимлиқи һәққидә давраң селиватқанлиқи мәлум.

Ройтерс агентлиқиниң 11-июлдики хәвиридә ейтилишичә, хитай дипломатлиридин җяң дуән җәнвәдики б д т хәвпсизлик кеңишидә бу тоғрилиқ сөз болғанда «шинҗаңдики тәҗрибилиримиз әмәлийәттә буни башқа дөләтләргә өгитишкә тегишлик икәнликини намаян қилди» дегән. У бу сөзлиригә дәлил қатарида өткән икки йилда «террорлуққа вә әсәбийликкә қарши туруш» тәдбирлири иҗра болғандин буян уйғур диярида һечқандақ зорлуқ вәқәлири йүз бәрмигәнликини мисал қилған. Шундақла «шинҗаң хәлқи һазир өзлирини толиму бихәтәр вә бәхтлик һес қилмақта» дәп махтанған.

Д у қ ниң баянатчиси дилшат решит йәрдә ейтиливатқан аталмиш «шинҗаң хәлқи» ниң уйғурлар дияриға көчүп келиватқан хитай аққунлирини көрситидиғанлиқини вә уйғурларни лагерларға солаш қилмишлирини тәҗрибә дәп махтиниватқанлиқини тәкитләш билән биргә «бу һал хитай һөкүмитиниң қайси дәриҗидики номуссиз бир һөкүмәт икәнликини йәнә бир қетим дуняға намаян қилди» деди.

Пикирләр (0)
Share
Толуқ бәт