"Xelq'ara diniy étiqad erkinliki komitéti" xitay hökümitidin Uyghur wijdan mehbusi gülmire iminni qoyuwétishni telep qildi

Muxbirimiz irade
2019-08-08
Élxet
Pikir
Share
Print

Amérika dölet mejlisige qarashliq xelq'ara diniy étiqad erkinliki komitétining ezaliridin ténzin dorji 8-awghust küni chaqiriq élan qilip, xitay hökümitidin ömürlük qamaq jazasigha höküm qilin'ghan Uyghur wijdan mehbusi gülmire iminni derhal we shertsiz qoyup bérishni telep qildi.

Chaqiriqta mundaq déyilgen: "Gülmire imin'ge bérilgen chékidin ashqan naheq jaza xitay hökümitining bügün Uyghur élidiki musulmanlargha yürgüzüwatqan keng kölemlik tutqun herikiti we bashqa ziyankeshlik siyasetlirining aldin béshariti idi."

Gülmire imin 2009‏-yili ürümchide yüz bergen "5‏-Iyul weqesi" partlap 9 kündin kéyin qolgha élin'ghan. U 2010‏-yili 4‏-ayda "5‏-Iyul weqesi" ni teshkilligen dep eyiblinip, muddetsiz qamaq jazasigha höküm qilin'ghan idi.

Amérika xelq'ara diniy erkinlik komitéti 2018-yili uni resmiy halda özlirining "Wijdan mehbusliri" tizimlikige alghandin béri izchil halda uning ehwalini sürüshte qilip kelmekte. Ténzin dorji chaqiriqida xitay hökümitini gülmire imin we uninggha oxshash özining dini we milliy kimliki seweblik türmilerge solan'ghan barliq wijdan mehbuslirini qoyuwétishke chaqirghan.

Toluq bet