Jéymis wilson: "Xitayning hakimmutleqliq arqiliq bashqilarni kontrol qilishi '1984' ning neq özi!"

Muxbirimiz eziz
2019-06-13
Élxet
Pikir
Share
Print

Uyghurlar duch kéliwatqan ijtima'iy kirizisning dunyawi témilardin bolushigha egiship bu ehwallar heqqide mulahize yürgüzidighan obzorchilar barghanséri köpeymekte. Yawropa ittipaqi qarmiqidiki soda konsulining diréktori jéymis wilson ene shu xil kishilerning biri.

Uning 11-iyun küni "Biryussél téz pochtisi" da élan qilin'ghan bu heqtiki maqaliside u özining yash waqitlirida jorji orwélning "1984" namliq romanini ishtiyaq bilen oqup chiqqanliqi, emma romanda teswirlen'gen ehwalni özining "Ré'al dunyada héchqachan yüz bermeydighan weqe" dep qarap kelgenliki, halbuki nöwette xitay kompartiyesining Uyghurlargha qaratqan basturushlirining bu romandikidin nechche hesse éship chüshkenliki bayan qilinidu.

Jéymis wilsonning qarishiche, romanning aptori mushundaq bir ijtima'iy muhitning barliqqa kélishini perez qilghan hemde buni 1984-yili meydan'gha kélidu, dep qarighan bolushi mumkin iken. Emma maqale aptori bu halning 2016-yilidin bashlap Uyghurlar diyarida barliqqa kelgenlikini, shuningdek jorji orwélmu tesewwur qilmighan yuqiri pen-téxnika amillirining bu halgha tedbiqlan'ghanliqini alahide tekitleydu. Shuning bilen birge biryussél uniwérsitétining proféssori wanéssa féran'gwéllining Uyghurlar diyaridiki lagérlarni tekshürüsh, xitay hökümitining bu xil basturushlirigha "Shérik" bolup qalghan chet'el karxanilirini agahlandurush chaqiriqlirigha öziningmu awaz qoshidighanliqini bildürgen.

Aptorning qarishiche, hazir xongkongda dawam qiliwatqan milyon kishilik namayishmu del mushu xil hakimmutleqliq arqiliq bashqilarni kontrol qilishqa qarshi otturigha chiqqan xelq herikiti iken.

Toluq bet