Явропа парламенти қарар мақуллап, хитайниң уйғур “һалал” ичкий әза содисиға болған әндишисини билдүргән

Мухбиримиз әркин
2022.05.09
Share on WhatsApp
Share on WhatsApp

Явропа парламенти өткән һәптә җиддий қарарнамә мақуллап, хитайниң адәм ичкий әзалирини көчүрүш вә йөткәп сетиш содисини тәнқид қилған, шундақла униң парс қолтуқидики мусулман әрәб дөләтлири билән болған уйғур “һалал” ичкий әза содисидин әндишә қиливатқанлиқини билдүргән. Мәзкур қарарнамидә явропа иттипақиға әза дөләтләрниң парс қолтуқидики мусулман дөләтләр билән болған мунасивәттә хитайниң уйғур мусулманлиридин алған “һалал” адәм ичкий әзалирини сетиш үчүн бу дөләтләргә елан бериш мәсилисини сөзлишишни тәләп қилған.

Қарарнамидә, узун йиллардин бери фалунгочилар бу қорқунучлуқ қилмишниң қурбани болуп кәлгәнлики, һазир башқа милләтләр вә диний гурупиларниң бу қисмәткә дучар болуватқанлиқи әскәртилип, хитайниң бу қилмишиниң “инсанийәткә қарши җинайәт тәшкил қилидиғанлиқи” тәкитләнгән. Қарарнамидә йәнә явропа иттипақи вә униңға әза дөләтләрниң һәр қетимлиқ кишилик һоқуқ диялоглирида ичкий әза көчүрүш мәсилисини оттуриға қоюши тәләп қилинған. Униңда йәнә зөрүр тәдбирләрни қоллинип, ички әза көчүрүш саяһитиниң алдини елиш, б д т кишилик һоқуқ алий комиссари бачелетниң хитай зияритини қарши елиш билән бир вақитта, униң бу зиярәт җәрянида хитайдики ичкий әза көчүрүшни тәкшүрүши тәләп қилинған.

Қарарнамидә тәләп қилишичә, явропа иттипақи вә униңға әза дөләтләр 3-дөләт билән болған мунасивәттә, болупму парс қолтуқидики дөләтләр билән болған мунасивәттә, хитай ичкий әза көчүрүш мәркәзлириниң хитайдики уйғур вә башқа мусулман аз санлиқ милләтләрдин алған “һалал ичкий әзалири” ға аит сода еланлирини сөзлишиши керәк икән. Қарарнамидә йәнә “хитай даирилириниң б д т кишилик һоқуқ алий комиссари вә б д т кишилик һоқуқ кеңишиниң толуқ һоқуқлиқ алаһидә тәкшүргүчилириниң шинҗаңни очуқ, тосалғусиз вә әһмийәтлик зиярәт қилишиға ечип бериш, хитай һөкүмитиниң бу мәсилидә б д т органлири билән һәмкарлишишни тәләп қилиш, б д т кишилик һоқуқ кеңиши мәҗбурий ичкий әза көчүрүшни асаслиқ мәсилә қатарида бир тәрәп қилиш керәк,” дейилгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.