Yawropa parlaménti qarar maqullap, xitayning Uyghur “Halal” ichkiy eza sodisigha bolghan endishisini bildürgen

Muxbirimiz erkin
2022.05.09
Share on WhatsApp
Share on WhatsApp

Yawropa parlaménti ötken hepte jiddiy qararname maqullap, xitayning adem ichkiy ezalirini köchürüsh we yötkep sétish sodisini tenqid qilghan, shundaqla uning pars qoltuqidiki musulman ereb döletliri bilen bolghan Uyghur “Halal” ichkiy eza sodisidin endishe qiliwatqanliqini bildürgen. Mezkur qararnamide yawropa ittipaqigha eza döletlerning pars qoltuqidiki musulman döletler bilen bolghan munasiwette xitayning Uyghur musulmanliridin alghan “Halal” adem ichkiy ezalirini sétish üchün bu döletlerge élan bérish mesilisini sözlishishni telep qilghan.

Qararnamide, uzun yillardin béri falun'gochilar bu qorqunuchluq qilmishning qurbani bolup kelgenliki, hazir bashqa milletler we diniy gurupilarning bu qismetke duchar boluwatqanliqi eskertilip, xitayning bu qilmishining “Insaniyetke qarshi jinayet teshkil qilidighanliqi” tekitlen'gen. Qararnamide yene yawropa ittipaqi we uninggha eza döletlerning her qétimliq kishilik hoquq diyaloglirida ichkiy eza köchürüsh mesilisini otturigha qoyushi telep qilin'ghan. Uningda yene zörür tedbirlerni qollinip, ichki eza köchürüsh sayahitining aldini élish, b d t kishilik hoquq aliy komissari bachélétning xitay ziyaritini qarshi élish bilen bir waqitta, uning bu ziyaret jeryanida xitaydiki ichkiy eza köchürüshni tekshürüshi telep qilin'ghan.

Qararnamide telep qilishiche, yawropa ittipaqi we uninggha eza döletler 3-dölet bilen bolghan munasiwette, bolupmu pars qoltuqidiki döletler bilen bolghan munasiwette, xitay ichkiy eza köchürüsh merkezlirining xitaydiki Uyghur we bashqa musulman az sanliq milletlerdin alghan “Halal ichkiy ezaliri” gha a'it soda élanlirini sözlishishi kérek iken. Qararnamide yene “Xitay da'irilirining b d t kishilik hoquq aliy komissari we b d t kishilik hoquq kéngishining toluq hoquqliq alahide tekshürgüchilirining shinjangni ochuq, tosalghusiz we ehmiyetlik ziyaret qilishigha échip bérish, xitay hökümitining bu mesilide b d t organliri bilen hemkarlishishni telep qilish, b d t kishilik hoquq kéngishi mejburiy ichkiy eza köchürüshni asasliq mesile qatarida bir terep qilish kérek,” déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.