Uyghur éli da'iriliri tarqaq hej qilishni tosush tedbirlirini ashurmaqta

Uyghur éli da'iriliri 2012-yilida mexsus tarqaq hej pa'aliyitini qattiq tosush heqqide yéngi belgilime chiqarghandin kéyin, da'irilerning tarqaq hej qilishni tosush tedbirini üzlüksiz kücheytiwatqanliqi melum bolmaqta.

Uyghur élidin kelgen inkaslardin qarighanda, mezkur belgilime her derijilik orun we meschitlerge tarqitilghandin kéyin Uyghurlarning hejige bérishi hessilep qiyinliship ketken. Ürümchining saybagh rayonidiki bir kochigha chaplan'ghan hej xizmiti pash qilish téléfoni mana bu qattiq kontrol xizmetlirini namayan qilidu. Uyghur biz tori teripidin teminlen'gen bu sürette ürümchi milliy ishlar komitéti, ürümchi sheherlik diniy ishlar komitéti, saybagh rayonluq diniy ishlar komitétining téléfon nomurliri bérilgen.

Xitay da'iriliri 2007-yilidin étibaren öz aldigha hejge bérishni tosush üchün tarqaq hejni toxtitish namida tedbir élishqa bashlighandin buyan, mehelle komitétliri, kocha ish bashqarmiliri, rayondiki meschit we amma birlikte qanunsiz diniy pa'aliyet we tarqaq hej pa'aliyitige da'ir uchurlarni pash qilish, tarqaq hej pa'aliyitige qatnashqan we qatnashmaqchi bolghanlarning pasportini musadire qilish, qattiq chare körüsh wasitilirini ishlitip keldi. Bu xil Uyghur musulmanlirining hejige bérish erkinlikining cheklimige uchrash mesilisi xelq'aradiki kishilik hoquq organliri teripidin qattiq tenqid qilinmaqta.