Кишилик һоқуқни көзитиш тәшкилати һиндонезийәни уйғур мәсилисидә һәркәткә келишкә чақирди

Мухбиримиз алим сейтоф
2020.01.31
Share on WhatsApp
Share on WhatsApp

Кишилик һоқуқни көзитиш тәшкилати 31-январ күни баянат елан қилип, һиндонезийә һөкүмитини уйғур мәсилисигә нисбәтән худдий роһинга мәсилисигә иҗабий позитсийәдә болғандәк бир мәйданда болушқа чақирған.

Бу баянатта ейтилишичә, әгәр хитай һөкүмитиниң уйғур мусулманлириға қаратқан бу хил кәң көләмлик зиянкәшлики америка яки яврупада йүз бәргән болса, һиндонезийәдә кәң көләмлик наразилиқ вә намайишлар партлап чиқидикән. Әмма һиндонезийәниң уйғур мәсилисидики инкаси интайин сус вә пассип һаләттә икән.

Бу баянатта билдүрүлишичә, һиндонезийә роһинга кризисида наһайити иҗабий рол уйниған болуп, у хитайниң уйғур мусулманлириға елип бериватқан зиянкәшликлирини тосуштиму охшаш рол ойналайдикән. Әмма хитай һөкүмити өткән йили һиндонезийә өлималар кеңишигә тәвә наһдлатул улималири вә муһәммәдийә мәзһипиниң диний рәһбәрлирини тәшкилләп хитайдики лагерларни зиярәт қилдурғандин кейин, һиндонезийәниң мәйданида өзгириш болған. Улар ғәрб мәтбуатлирини “хата мәлумат бәргән” дәп әйиибләп, хитайға чапан йепишқа башлиған. 

Шундақ болсиму, кишилик һоқуқни көзитиш тәшкилати һиндонезийә һөкүмити вә диний тәшкилатлириниң уйғур мәсилисини б д т да көтүрүп чиқип, хитайдин лагерларға соланған уйғур диний алимлири вә әрбабларниң қоюп берилишини қолға кәлтүрүшкә чақириқ қилди. Баянатта йәнә һиндонезийә чоқум малайсияға охшаш мусулман дөләтләр вә ислам һәмкарлиқ тәшкилати билән бирликтә уйғур мәсилисини көтүрүп чиқишниң интайин үнүмлүк болидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.