Kishilik hoquqni közitish teshkilati hindonéziyeni Uyghur mesiliside herketke kélishke chaqirdi

Muxbirimiz alim séytof
2020.01.31
Share on WhatsApp
Share on WhatsApp

Kishilik hoquqni közitish teshkilati 31-yanwar küni bayanat élan qilip, hindonéziye hökümitini Uyghur mesilisige nisbeten xuddiy rohin'ga mesilisige ijabiy pozitsiyede bolghandek bir meydanda bolushqa chaqirghan.

Bu bayanatta éytilishiche, eger xitay hökümitining Uyghur musulmanlirigha qaratqan bu xil keng kölemlik ziyankeshliki amérika yaki yawrupada yüz bergen bolsa, hindonéziyede keng kölemlik naraziliq we namayishlar partlap chiqidiken. Emma hindonéziyening Uyghur mesilisidiki inkasi intayin sus we passip halette iken.

Bu bayanatta bildürülishiche, hindonéziye rohin'ga krizisida nahayiti ijabiy rol uynighan bolup, u xitayning Uyghur musulmanlirigha élip bériwatqan ziyankeshliklirini tosushtimu oxshash rol oynalaydiken. Emma xitay hökümiti ötken yili hindonéziye ölimalar kéngishige tewe nahdlatul ulimaliri we muhemmediye mezhipining diniy rehberlirini teshkillep xitaydiki lagérlarni ziyaret qildurghandin kéyin, hindonéziyening meydanida özgirish bolghan. Ular gherb metbu'atlirini “Xata melumat bergen” dep eyi'iblep, xitaygha chapan yépishqa bashlighan. 

Shundaq bolsimu, kishilik hoquqni közitish teshkilati hindonéziye hökümiti we diniy teshkilatlirining Uyghur mesilisini b d t da kötürüp chiqip, xitaydin lagérlargha solan'ghan Uyghur diniy alimliri we erbablarning qoyup bérilishini qolgha keltürüshke chaqiriq qildi. Bayanatta yene hindonéziye choqum malaysiyagha oxshash musulman döletler we islam hemkarliq teshkilati bilen birlikte Uyghur mesilisini kötürüp chiqishning intayin ünümlük bolidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.