Xitay taratquliri ürümchide qizitma qayturush dorisining heqsiz tarqitiliwatqanliqini ilgiri sürdi

Muxbirimiz irade
2022.12.22

Xitaydiki ijtima'iy taratqularda tarqiliwatqan uchurlarda nöwette xitay miqyasida kowid wirusi keng yamrap ketkenliktin qizitma qayturush we yötel dorilirida qisliq körülüwatqanliqi ashkariliniwatqan bir peytte, xitayning hökümet taratquliri hedep buning eksini teshwiq qilip xewer tarqitishni bashlighan.

22-Dékabir küni, xitayning tengritagh tori bir parche xewer tarqitip, ürümchide dorixanilarda qizitma qayturush dorisining heqsiz tarqitiliwatqanliqini, qizitma dorisining keng-kushade tolup turghanliqini ilgiri sürgen. Xewerde ürümchining midung rayonidiki bir dorixana igisining ikki kündin buyan aldirash halda heqsz qizitma qayturush drisi tarqitiwatqanliqi, yene bir yaqtin toxtimay mal seplewatqanliqi süretlep bérilgen.

Halbuki, xitayning hökümet taratqusi ilgiri sürgen yuqiridiki ehwalning eksiche radi'omiz muxbirining téxi bir kün awwal ürümchidiki bir qisim doxturxana we ahalilerdin biwasite igiligen uchurida ürümchide ahaliler emes belki doxturxanilarningmu dora yétishmeslik ehwaligha yoluquwatqanliqi, doxturxanilarda bimarlar tuyuqsiz köpiyip kéـtip késel kariwiti yéـtishmeywatqanliqi ashkarilan'ghan idi. Xitayning yuqiridiki heqsiz dora tarqitish xewirini arqidinla élan qilishi diqqet qozghidi.

Xitay xewerler tori bir kün awwal tarqatqan xewridimu Uyghur élide dorixanilarning quruqdilip qalghanliqidek xewerlerge qarshi “Qeshqerde dorilar toluq, bahasi muqim” dep, qeshqerde dora jiddiyliki, yétishmesliki hetta qimmetliship ketkenliki mesilisi mewjut emeslikini ilgiri sürgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.