Amérika, en'gliye, awstraliye, yaponiye birliship, 40 yildin buyanqi eng chong herbiy manéwir ötküzidiken

• Muxbirimiz jewlan
  2021-08-04

Amérika armiyesi hindi okyan qomandanliq shtabining 2-awghust küni élan qilishiche, amérika pat arida en'gliye, awstraliye, yaponiye bilen birliship, dunya boyiche eng chong herbiy manéwir ötküzidiken we bu manéwir bir aygha yéqin dawamlishidiken.

Bu manéwirda amérika déngiz armiye we quruqluq armiyesi en'gliye xanliq armiyesi, awstraliye dölet mudapi'e armiyesi we yaponiye qoghdinish armiyesi bilen birliship, “2021-Yilliq dunya boyiche eng chong herbiy manéwir” ötküzidiken, bu 40 yildin buyan dunya miqyasida ötküzülgen eng chong birleshme herbiy manéwir bolup qalidiken. Bu manéwirgha amérika armiyesidin 50 birlik qatnishidiken, awi'amatka (ochaq kémisi) we su asti kémisi bolup, jem'iy 36 herbiy eslihe ishlitilidiken.

Amérika hindi okyan qomandanliq shtabi amérikaning buningdin kéyin öz ittipaqdashliri bilen zich hemkarliship, rayon tinchliqi, qanun'gha tayan'ghan xelq'ara tertip, uchur-alaqe we qatnash yollirining rawanliqigha kapaletlik qilidighanliqini, shundaqla hindi okyan rayonida échiwétilgen muhit berpa qilidighanliqini jakarlighan. Mutexessisler bolsa bu manéwirni amérika we uning ittipaqdashlirining hindi okyan rayonidiki toqunushni bir terep qilalaydighan iqtidargha ige ikenliki xitay bilen rusiyege körsitip qoyush üchün élip baridighan zor kölemlik herikiti dep qarimaqtiken.