Һәрбийдин чекингән әскәрләрниң әрз қилип бейҗиңға бериши чәкләнди

Мухбиримиз меһрибан
2016-11-01
Елхәт
Пикир
Share
Принт

Хитайдики аммиви тәшкилат «пуқралар һоқуқи көзитиш ишханиси» ниң 1-ноябир хәвәр қилишичә, пүтүн хитай дөлитидики һәрбий сәптин чекиндүрүлгән кона әскәрләрниң қайтидин бейҗиңға келип әрз қилиш долқуниниң алдини елиш үчүн, җайларда қаттиқ бихәтәрлик тәдбирлири елинип, һәрбий сәптин чекингән әскәрләргә қаритилған назарәт күчәйтилгән.

Хәвәрдә дейилишичә, кона әскәрләр арисида ашкариланған җайларда муқимлиқни сақлаш һәққидики җиддий уқтурушта, илгири вийетнам урушиға қатнашқан кона әскәрләр, атом синиқи қурулушиға қатнашқан әскәрләр, һәрбий хизмәт өтәш җәрянида яриланған мәҗруһ әскәрләр, қошунни қисқартиш еһтияҗи билән һәрбий саһәдики мәмурий органлардин қисқартилған хизмәтчиләр, һәрбий сәптин мәҗбурий чекиндүрүлгән әскәрләр, һәрбий қоманданлар қатарлиқ 7 хил сәвәбтин һәрбий сәптин чекингән әскәрләрниң 10-айниң 29-күнидин 11-айниң 7-күнигичә коллектип һалда бейҗиң шәһиригә келип әрз қилишиниң алдини елиш тәкитләнгән.

Пикирләр (0)
Share
Толуқ бәт