Һиндонезийә тәптишлири уйғур гумандарға 8 йиллиқ қамақ җазаси беришни тәләп қилған

Мухбиримиз қутлан
2016-10-17
Share

Һиндонезийә тәптиш мәһкимиси нурмуһәммәт абдулла исимлик бир уйғур гумандарни һөкүмәт әмәлдарлири билән шиә мусулманлириға қарши суйиқәст пиланлиған дәп әйибләп, униңға 8 йиллиқ қамақ җазаси беришни тәләп қилған.

Бирләшмә агентлиқниң бу һәқтики хәвиригә қариғанда, һиндонезийәниң дөләт тәптишлирини бүгүн нурмуһәммәт абдуллани һиндонезийәниң террорлуққа қарши қануниға хилаплиқ қилған, дәп әйиблигән.

Хәвәрдә дейилишичә, һиндонезийә дөләт тәптишлири: "нурмуһәммәт абдулла адәм-бомба һуҗумиға тәйярланған һәмдә бәһрун нәйимниң йетәкчиликидә сүрийәдики ислам дөлити үчүн уруш қиливатқан бир қораллиқ гуруппиға 2 миң доллар пул ярдәм қилған," дегән.

Мәлум болушичә, нурмуһәммәт абдулла өткән йили 12-айда җакарта әтрапидики бир җайда йәнә бир уйғур гумандар ариф һидайитулла билән биллә тутқун қилинған.

Бирләшмә агентлиқниң билдүрүшичә, ариф һидайитулла бу йил 10-айниң 3-күни 6 йиллиқ қамақ җазасиға һөкүм қилинған. Һиндонезийә соти уни һиндонезийә һөкүмәт әмәлдарлирини, җүмлидин христиан динидики хитай нәсиллик җакарта валийси билән шиә мусулманлирини өлтүрүшни пиланлиған, дәп әйиблигән.

Йеқинқи йиллардин буян уйғур мусапирлириниң шәрқий-җәнубий асиядики тутқунлуқ һаяти һәмдә тайланд, малайшия вә һиндонезийә һөкүмәтлириниң бир қисим уйғур мусапирларни "террорлуқ" билән әйиблиши диққәт қозғимақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт