Hindonéziyede Uyghur qoralliq küchlirige yardem bérish gumani bilen 3 kishi tutqun qilin'ghan

Muxbirimiz shöhret hoshur
2016-12-21
Share

Bügün hindonéziye saqchiliri bilen jakartadiki bir guruppa térror gumandarliri arisida qoralliq étishish yüz bergen, étishishta 3 neper gumandar ölgen.

Saqchilar weqedin kéyin élip barghan razwédka herikiti dawamida, hindonéziyening sumatra we batam aralliridin 3 neper gumandarni tutqun qilghan. Roytiris agéntliqining bu heqtiki xewiride bayan qilinishiche, saqchilar sumatra we batamdiki gumandarlarni, hindonéziyege singip kirgen Uyghur qoralliq küchlirige yardem bérish gumani bilen tutqun qilghan.

Hindonéziyede aldinqi ikki yilda ilgiri-axiri bolup birqanche neper Uyghur yerlik térror gumandarliri bilen hemkarlishish bilen eyiblinip sotlan'ghan we bulardin beziliri saqchilarning opiratsiyesi dawamida étip öltürülgen idi. Emma xewerde, hindonéziyede yene yoshurunup turuwatqan yaki yéngidin kirgen Uyghur qoralliq küchlirining bar-yoqluqi heqqide uchur bérilmigen.

Uyghur milliy herikiti rehbiri rabiye qadir xanim hindonéziyede tutulghan Uyghurlar heqqidiki bayanatida, hindonéziye da'irilirini Uyghur gumandarlirini bir terep qilghanda ularning öz wetinidin ayrilish sewebi we Uyghur weziyitini nezerdin saqit qilmasliqqa dewet qilghan idi. Hindonéziye da'irilirimu xitayning Uyghur gumandarlarni özliri tutup turuwatqan bir parixor emeldar bilen almashturush telipini ret qilghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet