Hindonéziye xitay béliqchi kémilirining hindonéziye tewelikide béliq tutqanliqini eyiblidi

Muxbirimiz méhriban
2016.03.21
Share on WhatsApp
Share on WhatsApp

Hindonéziye hökümiti 21 - mart bayanat élan qilip, hindonéziyining natuna déngizi tewelikide béliq tutushqa kirgen xitay béliqchilirini hindonéziye xewpsizlik küchliri agahlandurghan waqitta xitayning déngiz mudapi'e etritining hindonéziye xewpsizlik etritining wezipe ijra qilishigha tosqunluq qilghanliqigha qattiq naraziliq bildürdi.

En'giliye b b s agéntliqining hindonéziye hökümet xewerliridin neqil élip xewer qilishiche, xitay déngiz qirghiqi muhapizet etritining hindonéziye xewpsizlik etridige qilghan tosqunluq weqesidin kéyin, xitayning jakartada turushluq bash elchisi hindonéziye tashqi ishlar ministirliqigha chaqirtilghan. Xitay bash elchisidin weqege izahat bérish telep qilghanliqini eskertken hindonéziye tashqi ishlar ministiri rétno marsudi bayanat bérip, “Xitay déngiz qirghiqi muhapizet etritining qa'idige xilap qilmishlirigha bolghan naraziliqimizni eng qattiq shekilde ipadiliduq. Bu naraziliqimiz xitaygha oxshash heqlirimizge dexli qilghan barliq kishilerni öz ichige alidu. Barliq döletlerge oxshash xitaymu xelq'ara qanun'gha ri'aye qilishi kérek. Déngiz chégramizgha dexli qilghuchilar bilen qilidighan kürishimiz dawamlishidu” dégen.

Ötken hepte argéntina déngiz tewelikide béliq tutqan bir xitay béliqchi kémisi argéntina déngiz etritining agahlandurushigha perwa qilmay dawamliq argéntina déngiz tewelikige ichkirilep kirgenliki we argéntina déngiz mudapi'e etritining paraxodini soqushqa urun'ghanliqi üchün, argéntina déngiz armiyisi teripidin chöktürüwétilish weqesi yüz bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet