Уйғурлар мәсилиси һиндистанда қизиқиш қозғиди

Мухбиримиз әзиз
2016-05-03
Share

Америка уйғур бирләшмисиниң рәиси елшат һәсәнниң дарамсаладики “асия демократийә мунбири” йиғиниға қатнишиши билән уйғурлар һәққидә техиму көп мәлуматларға игә болған һиндистан җамаити арисида уйғурлар һәққидә бир зор қизиқиш пәйда болғанлиқи мәлум.

Һиндистандики “телеграмма” вә “базар тез почтиси” қатарлиқ чоң гезитләр оқурмәнләргә омумий характерлик чүшәнчә бериш мәқситидә мәхсус уйғурлар вә уларниң һазирқи әһвали тоғрисида зор сәһипилик мақалиләрни елан қилған.

Бу мақалиләрдә уйғурларниң миллий кимлики, хитайларниң уйғурлар райониға көчмән болуш тарихи, уйғурларниң хитай һөкүмранлиқида туруватқан һазирқи һалити вә уйғур тарихиға мәнсуп узақ өтмүш һәққидики баянлар тәпсилий орун игилигән. “базар тез почтиси” гезити мақалисидә хитай һөкүмитиниң қәдимий қәшқәрни чеқивәткәнлики һәққидә мәхсус тохтилип, “мушундақ чеқиш тәдбирлири навада һиндистандики һәйдәрабад яки кона деһли шәһиригә охшаш қәдимий мәдәнийәт мәркәзлиригә қаритилған болса у һалда һиндистанлиқларниң һөкүмәт һәққидә қандақ пикирдә болидиғанлиқини тәсәввур қилип беқиң!” дәп язған.

Мақалиләрдә бирдәк уйғурларниң хитайдики миллий, диний вә мәдәнийәт сиясәтлириниң бесими арқисида зорлуқ вә қаршилиқ йолиға меңишқа мәҗбур болуватқанлиқи алаһидә әскәртилгән.

Хәвәрләрдин мәлум болушичә, моди һөкүмити бу қетимқи йиғин мәйданиға әркин асия радийосидин башқа ахбарат васитилириниң киришини мәни қилған. Мушу сәвәбтин йиғин қатнашқучилири йиғин мәйданиға аит бир қисим үн-син материяллирини иҗтимаий таратқулар арқилиқ тәшвиқ қилған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт