"җакарта почта гезити" хитайниң уйғурларни һиндонезийәгә террорчи дәп көрситиватқанлиқини қәйт қилди


2016-12-23
Share

Һиндонезийәниң "җакарта почта гезити" 22‏-декабир мақалә елан қилип, хитайниң уйғурларни һиндонезийәгә террорлуқ тәһдит дәп көрситиватқанлиқини илгири сүргән.

Мақалидә қәйт қилишичә, хитайниң мәқсити бу арқилиқ өзиниң уйғурларға тутқан қаттиқ қол муамилисини һиндонезийә хәлқиғә һәқлиқ қилип көрситишкән.

"йеңи америка бихәтәрлик" тәтқиқат орниниң мутәхәссиси патрик мейер қәләмгә алған мақалидә: "нопуси 220 милйонлиқ һиндонезийәдики көп санлиқ мусулманлар хитай һөкүмитиниң уйғур қериндашлириниң диний һоқуқини бастурушиға наһайити сәзгүр қарайду, һәтта хитайға достанә болған һиндонезийә һөкүмитиму уйғурларниң һоқуқи вә бихәтәрлик мәсилисидә бейҗиң һөкүмити билән һәмкарлишишқа бәк истәклик әмәс" дейилгән.

Мақалидә көрситишичә, һиндонезийә һөкүмити хитайниң һиндонезийәдә террорлуқ билән әйиблинип 6 йиллиқ қамақ җазасиға һөкүм қилинған бир гуруппа уйғурни қайтуруп бериш тәлипини рәт қилған.

Мақалидә, бир юқири дәриҗилик һиндонезийә әмәлдариниң сөзни нәқил кәлтүрүп, униң "уйғурларни хитайға қайтуруп бериш уларни өлтүрүш билән тәң. Зор еһтималлиқ, хитай һөкүмити бундақ кишиләргә дәрһал өлүм җазаси бериду" дегәнликини билдүргән. Мақалидә қәйт қилишичә, бу әмәлдарниң сөзи һиндонезийә хитайниң уйғурларға тутқан муамилисидин қанчилик биарам болуватқанлиқини көрситип беридикән.

Мақалидә, шуниң билән хитай "һиндонезийә хәлқи вә һөкүмитини бейҗиңниң қаттиқ вастиләрни қоллинип, уйғурларниң һоқуқини қисиши тамамән һәқлиқ, уйғурлар һиндонезийәниң һесдашлиқ қилишиға лайиқ әмәс" дегәнгә қайил қилиш пейиға чүшкәнликини илгири сүргән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт