Һиндонезийәдә радикал мусулман гуруһлар коммунистларға қарши намайиш қилди

Мухбиримиз әркин
2016.06.03
Share on WhatsApp
Share on WhatsApp

Җүмә күни һиндонезийәниң җакарта шәһиридә радикал мусулман гуруһларниң бирәр миң әзаси намайиш қилип, һөкүмәтниң 1965‏-йилдики коммунистларни бастуруш һәрикитини тәкшүрүш пиланиға қарши чиқти. Намайишчилар, бу пилан һиндонезийәдә коммунистларниң тирилишини пәйда қилиду, дәп етираз билдүргән.

Тәтқиқатчиларниң пәрәз қилишичә, сабиқ президент сохарто 1965-йили коммунистларни бастурғанда хитай коммунистик партийәсиниң қоллишидики 500 миң һиндонезийәлик коммунист вә униң қоллиғучиси өлтүрүлгән. Өлтүрүлгәнләрниң хели зор қисми һиндонезийәлик хитайлар иди.

Әйни чағда һиндонезийәдики коммунистларниң сани 3 милйонға йетип, у дунядики совет иттипақи вә хитайдин қалсила коммунистлар әң көп дөләткә айланған. Әмма кишилик һоқуқни қоғдиғучи гуруһлар 1965‏-йилдики бастурушни 20‏- әсиридә йүз бәргән әң зор қабаһәт, дәп қарап кәлди.

Җүмә күнки намайишни һиндонезийә ислами мудапиә сепи қатарлиқ тәшкилатлар уюштурған. Улар һиндонезийә президент сарийиниң алдиға йиғилип, “коммунистларни йоқитайли”, “һиндонезийә компартийәси PKI йоқалсун” дегән шоарларни товлиған, “һиндонезийәни коммунистлардин қоғдайли”, “коммунистлардин кәчүрүм сорашқа болмайду” дегән лозункиларни асқан, президент видодониң тәкшүрүш пиланини қоллимаслиқини тәләп қилған.

Һиндонезийә һөкүмити бу йил апрелда 1965‏-йилдики бастуруштин сақ қалғанларни вә һәрбий тәрәп вәкиллирини чақирип йиғин ачқан. Президент видодо, вәқәдә өлтүрүлгәнләрниң көмүлгән орунлирини ениқлап чиқишқа буйруқ бәргән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.