Һиндонезийә ислам милитанлириға қаттиқ зәрбә беридиғанлиқини билдүрди

Мухбиримиз меһрибан
2016.07.19
Share on WhatsApp
Share on WhatsApp

Һиндонезийә һөкүмити 19-июл сәйшәнбә күни баянат берип, узун йиллардин буян һиндонезийәдә террорлуқ вәқәлирини пәйда қилип келиватқан ислам радикал қораллиқ тәшкилатиниң каттивеши сантосониң 18-июл дүшәнбә күни сулавес арилидики тағда етип өлтүрүлгәнликини, бундин кейин һиндонезийәниң ислам милитанлириға техиму қаттиқ зәрбә беридиғанлиқини билдүрди.

Һиндонезийәниң сулавес өлкисиниң сақчи әмәлдари рудий суфаһриад фирансийә агентлиқиға бәргән баянатида, сақчилар җәсәтни тәкшүрүш арқилиқ өлгүчиниң сантосу икәнликини дәлиллигәнликини билдүргән.

Хәлқара таратқулардин бирләшмә агентлиқниң хәвиридә тилға елинишичә, 2002-йили һиндонезийәниң бали арилида йүз бәргән террорлуқ һуҗумидин буян, һиндонезийә һөкүмити террорлуқ тәшкилатлириға зәрбә бериш һәрикитини күчәйткән. Һиндонезийәдики ислам қораллиқ тәшкилат каттибашлиридин сантосо 2014-йили баянат берип, өзиниң хәлқарада террорлуқ тәшкилат дәп аталған ислам дөлитигә садиқ икәнликини билдүргән. 2016-Йилниң бешида америкиму сантосони хәлқарадики террорчилар тизимликигә киргүзгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.