Hindonéziye Uyghur militanlar mesiliside xitay bilen hemkarlishidiken

Muxbirimiz jüme
2016-01-06
Share

Roytérsning xewer qilishiche, hindonéziye térrorluqqa qarshi turush orginining bashliqi se'ud osman nasutiyon seyshenbe küni, "Da'ish" térror teshkilatigha qatnishishni közlep mezkur döletke kélidighan Uyghur militantlarning sani köpeygenséri, hindonéziyening mesilini hel qilish üchün xitay da'iriliri bilen yéqindin hemkarlishish yolini tutqanliqini bildürgen.

Hindonéziye yéqinda 13 térror gumandarini ayrim ayrim qolgha alghanliqini, köpinchisi jawada qolgha élin'ghan gumandarlarning arisida yénida adembomba jilitkisi bar bir Uyghurmu bar ikenlikini xewer qilghan.

Roytérs agéntliqining körsitishiche, bu Uyghur gumandar 23-dékabir jakartaning sirtidiki bir bina öyde qolgha élin'ghan.

Xewerde neqil qilishiche, se'ud osman mundaq dégen: "Biz hazir xitay bilen hemkarliship, banka kartisi we yanfon qatarliqlardiki delil ispatlarni tekshürüwatimiz."

Hindonéziye ötken yilimu islam döliti teshkilatigha chétishliq dep qaralghan exmet boz'oghlan qatarliq 4 neper Uyghur gumandarni qolgha alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet