Хитай һиндонезийә мусулман тәшкилатлириниң уйғур мәсилисидики көз қаришини шәкилләндүрүштә оқуш мукапатидин пайдиланған

Мухбиримиз әркин
2022-03-18
Share

Хитайниң һиндонезийәдики мусулманларниң уйғурлар мәсилисигә болған хитайға пайдилиқ көз қаришини шәкилләндүрүштә оқуш мукапатидин пайдилиниватқанлиқи мәлом болған. “җакарта почтиси” гезитиниң хәвәр қилишичә, хитай йеқинқи йилларда һиндонезийәдики мусулман оқуғучиларға хитайда оқуши үчүн оқуш мукапати беришни күчәйтип, буни уларниң хитай тоғрисида болупму уйғурлар тоғрисида хитайға пайдилиқ көз қариши шәкилләндүрүштә қолланмақта икән.

Хәвәрдә, буниңдин һиндонезийәдики әң чоң ислам тәшкилатлиридин “наһдатул өлүма”, “муһәммидиййә” қатарлиқ тәшкилатларниң пайдилиниватқанлиқи, хитайниң бу тәшкилатларға мәнсуп мусулман оқуғучилириға оқуш мукапати берип, хитайда оқутиватқанлиқи тәкитләнгән. “җакарта почтиси” ниң ‍ейтишичә, нөвәттә һиндонезийәдики бу тәшкилатлар, шундақла хитайда оқуватқан бу мусулман оқуғучилар хитай һөкүмити орунлаштурған “шинҗаң мунбири” дегәндәк йиғин, паалийәт вә зиярәтләргә қатнишип, бу паалийәт вә йиғинларда “шинҗаң мәсилисигә әтраплиқ қараш керәк” дейишкән, шундақла ғәрб таратқулирини хәвәрлиригә ишәнмәсликни ейтишқан.

Хәвәрдә йәнә хитайниң 2019-вә 2020-йиллири “наһдатул өлүма” ни чүәнҗов, вухәндә өткүзгән һиндунозийә-хитай ислам мәдәнийити йиғиниға тәклип қилғанлиқи, “наһдатул ‍өлүма” ниң торида хитайдики мусулманларниң тинч вә хатирҗәм яшаватқанлиқиға даир мақалиләрниң елан қилинғанлиқи билдүрүлгән. “җакарта почтиси” ниң ейтишичә, хитай йәнә һиндунозийәлик оқуғучиларға қисқа муддәтлик оқуш мукапатиму тәсис қилған. Хәвәрдә, хитайниң 2019-йили уларға өчүш мукапати берип, уйғур елидики мусулманларниң турмушини көрүшкә орунлаштурғанлиқии билдүрүлгән. Мәлум болушичә, 2019-йилдики санлиқ мәлуматтин қариғанда нөвәттә хитайда 16 миңға йеқин һиндунозийәлик оқуғучи оқуйдикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт