Xongkongluqlar merkizi hökümetning qanuniy maddisigha qarshi namayish ötküzdi

Muxbirimiz ümidwar
2016-11-06
Share

Xongkongdiki démokratik ammiwi teshkilatlar xitay xelq qurultiyining xongkonggha qaratqan "Négizlik qanun"ning izahatigha naraziliq bildürüsh namayishi ötküzdi.

6-Noyabir küni ötküzülgen bu namayish jeryanida saqchilar bilen namayishchilar arisida toqunush kélip chiqqan.B b s agéntliqining xewer qilishiche, xongkong ahalisi xitay xelq qurultiyining xongkonggha qarita békitken "Xongkong alahide memuriy rayon négizlik qanuni"ning 104-maddisidiki xongkong palata ezaliri we hökümet xadimliri "Junggo xongkong alahide rayonigha sadiq bolush, négizlik qanunni himaye qilish" dégendek belgilimilerge naraziliq bildürgen ular xitay merkizi hökümitini xongkongning musteqil edliye hoquqi yürgüzüshige buzghunchiliq qildi, dep eyibligen.

Melum bolushiche, xitay xelq qurultiyining xongkongni bashqurushqa qarita mezkur négizlik qanunni békitkendin buyan besh qétim izahat chiqarghan.

"Jenubiy xitay seheri" gézitining yézishiche,xongkong namayishchiliri 6-noyabir küni xitay merkizi hökümitining xongkongda turushluq alaqe orginining aldigha yighilip, naraziliq bildürüsh jeryanida saqchilar bilen ular arisida toqunush kélip chiqqan. Saqchilar namayishchilargha qarita su chéchip tarqitiwétish usuli qollan'ghan bolsimu, emma namayishchilar sani köpiyip 13 minggha yetken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet