1 - Öktebir küni xong kongdiki aliy mekteplerde musteqilliqqa a'it sho'arlar peyda boldi.

Muxbirimiz ümidwar
2016.10.02


1 - Öktebir xitay dölet bayrimi küni munasiwiti bilen xongkongdiki bir qisim aliy mekteplerge xongkong musteqilliqini teshebbus qilidighan sho'arlar ésilghan.

Amérika awazining xewer qilishiche, 1 - öktebir küni xongkong alahide rayon memuri hökümiti xitay xelq jumhuriyiti qurulghanliqining 67 yilliqini xatirilep bayraq chiqirish murasimi ötküzgen bolup, xongkongdiki xongkong uniwérsitéti, téxnika uniwérsitéti, junggo edebiyat uniwérsitéti qatarliq 15 uniwérsitétning merkizi qismigha xitay we in'gliz tillirida “Xongkong musteqilliqi” namliq sho'ar ésilghan. Xongkong musteqilliqini terghib qilidighan xongkong milliy partiyisi özlirining bu sho'ar lewhesini layihiligenliki we teminligenlikini étirap qilghan bolsimu, emma adem ewetip asturmighanliqini bildürgen. Buni mezkur mekteptiki oqughuchilar öz ixtiyari bilen asqan iken. Mezkur mektep da'iriliri tézlik bilen bu sho'arlarni éliwetken.

Yuqirqidin bashqa yene bir qisim mekteplerdiki démokratiye tamlirighimu xongkong musteqilliqigha a'it in'glizche we xitayche sho'arlar chaplan'ghan.

Xewerde déyilishiche, yéqinqi waqitlardiki oqughuchilar heriketliri jeryanida bezi mekteplerde xongkong musteqilliqini terghib qilish pikirliri téz kéngiyishke bashlighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.