Хоңкоңлуқ өсмүр паалийәтчи хитайниң қоли билән тайланд чегрисидин қайтурулди

Мухбиримиз шөһрәт һошур
2016-10-05
Share

Хоңкоңда өткән йили йүз бәргән вә күнлүк инқилаби дәп нам берилгән зор көләмлик намайишниң йетәкчилиридин бири өсмүр паалийәтчи җошуа воң, бүгүн әтигән тайланд чегрисида тосувелинип хоңкоңға қайтурулған. Ройтирисниң бүгүнки бу һәқтики хәвиридә баян қилинишичә, воң әслидә тәклипкә бинаән тайландики бир университетқа нутуқ сөзләш үчүн йолға чиққан болуп, тайланд чегра даирилири униңға һечқандақ сәвәб көрсәтмәстин тайланд чегрисидин киришигә йол қоймиған. Вәқәдин кейин ахбаратчиларниң соаллириға җаваб бәргән тайланд чегра сақчи бөлүминиң муавин башлиқи прутипоң хитайниң тәлипигә бинаән воңниң қара тизимликкә киргүзүлгәнликини вә шу сәвәбтин чиградин киргүзүлмигәнликини ейтқан, кейин у, башқа мухбирларниң зияритини қобул қилғанда аввал қилған бу сөзлиридин тенивалған.

Хитай ташқи ишлар баянатчиси болса, бу ишниң тайландниң көчмәнләр қануни билән мунасвәтлик икәнликини ейтқан. Бүгүн дуня кишилик һоқуқни көзитиш җәмийити бу һәқтә баянат елан қилип, тайландниң хитайниң йолсиз тәлипигә баш әгкәнликини тәнқид қилди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт