Xongkongluq ösmür pa'aliyetchi xitayning qoli bilen tayland chégrisidin qayturuldi

Muxbirimiz shöhret hoshur
2016-10-05
Share

Xongkongda ötken yili yüz bergen we künlük inqilabi dep nam bérilgen zor kölemlik namayishning yétekchiliridin biri ösmür pa'aliyetchi joshu'a wong, bügün etigen tayland chégrisida tosuwélinip xongkonggha qayturulghan. Roytirisning bügünki bu heqtiki xewiride bayan qilinishiche, wong eslide teklipke bina'en taylandiki bir uniwérsitétqa nutuq sözlesh üchün yolgha chiqqan bolup, tayland chégra da'iriliri uninggha héchqandaq seweb körsetmestin tayland chégrisidin kirishige yol qoymighan. Weqedin kéyin axbaratchilarning so'allirigha jawab bergen tayland chégra saqchi bölümining mu'awin bashliqi prutipong xitayning telipige bina'en wongning qara tizimlikke kirgüzülgenlikini we shu sewebtin chigradin kirgüzülmigenlikini éytqan, kéyin u, bashqa muxbirlarning ziyaritini qobul qilghanda awwal qilghan bu sözliridin téniwalghan.

Xitay tashqi ishlar bayanatchisi bolsa, bu ishning taylandning köchmenler qanuni bilen munaswetlik ikenlikini éytqan. Bügün dunya kishilik hoquqni közitish jem'iyiti bu heqte bayanat élan qilip, taylandning xitayning yolsiz telipige bash egkenlikini tenqid qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet