Тйәнәнмен қирғинчилиқиниң 27 йиллиқи хоңкоңда дағдуғилиқ хатириләнди

Мухбиримиз җүмә
2016-06-05
Share


Тйәнәнмен қирғинчилиқиниң 27 йиллиқини хатириләш мурасими хоңкоң мәркизий мәйданида дағдуғилиқ өткүзүлди. Мурасимға 100 миңдин артуқ адәм қатнашни. Улар қоллирида яндурулған шамларни көтүрүшүп, 1989 - йили 4 - июн тйәнәнмен мәйданиға бесип киргән хитай әскилири қолида җан үзгән кишиләрни әсләшти.

1989 - Йили 3 - , 4 - июн күнлири хитай һөкүмити тйәнәнмен мәйданида җим олтурувелип демократийә тәләп қиливатқан оқуғучиларни қанлиқ бастурған. Шу күни йүзлигән һәтта униңдинму артуқ бигунаһ адәмниң һаятидин айрилғанлиқи илгири сүрүлгән.

Хоңкоңдики паалийәт тәшкиллигүчилири ахбаратларға йиғилишқа 125 миң әтрапида адәм қатнашқанлиқини билдүрүшкән.

Бу күни тәйвәнниң тәйбей шәһиридә өткүзүлгән хатириләш паалийитигә әйни йилдики оқуғучилар һәрикити рәһбәрлиридин бири өркәш дөләтму иштирак қилған.

Тәйбейдики хатириләш паалийитигә 200 әтрапида адәм қанашқан. У, ахбаратқа"4 - июл роһи җәсур инсанларниң универсал әркинлик қиммәт қаришини издәш һәрикитидур" дегән.

У йәнә мундақ дегән:"бу роһни танка вә пилимотлар билән мәғлуп қилғини болмайду. У хитайниң бастуруши түпәйли һалак болмайду."

Хәвәрләргә қариғанда, 4 - июн хитайниң тйәнәнмен мәйданида бихәтәрлик тәдбирлири қаттиқ күчәйтилгән болуп, бу күнни һәрқандақ шәкилдә хатириләш чәкләнгән.

Хитай даирилири 1989 - йилидин буян мәзкур бастурушта өлтүрүлгәнләрниң һәқиқий санини елан қилишини вә уларниң аилидә - тавабиатлиридин әпу сорашни изчил рәт қилип кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт