Tyen'enmén qirghinchiliqining 27 yilliqi xongkongda daghdughiliq xatirilendi

Muxbirimiz jüme
2016-06-05
Share


Tyen'enmén qirghinchiliqining 27 yilliqini xatirilesh murasimi xongkong merkiziy meydanida daghdughiliq ötküzüldi. Murasimgha 100 mingdin artuq adem qatnashni. Ular qollirida yandurulghan shamlarni kötürüshüp, 1989 - yili 4 - iyun tyen'enmén meydanigha bésip kirgen xitay eskiliri qolida jan üzgen kishilerni esleshti.

1989 - Yili 3 - , 4 - iyun künliri xitay hökümiti tyen'enmén meydanida jim olturuwélip démokratiye telep qiliwatqan oqughuchilarni qanliq basturghan. Shu küni yüzligen hetta uningdinmu artuq bigunah ademning hayatidin ayrilghanliqi ilgiri sürülgen.

Xongkongdiki pa'aliyet teshkilligüchiliri axbaratlargha yighilishqa 125 ming etrapida adem qatnashqanliqini bildürüshken.

Bu küni teywenning teybéy shehiride ötküzülgen xatirilesh pa'aliyitige eyni yildiki oqughuchilar herikiti rehberliridin biri örkesh döletmu ishtirak qilghan.

Teybéydiki xatirilesh pa'aliyitige 200 etrapida adem qanashqan. U, axbaratqa"4 - iyul rohi jesur insanlarning uniwérsal erkinlik qimmet qarishini izdesh herikitidur" dégen.

U yene mundaq dégen:"bu rohni tanka we pilimotlar bilen meghlup qilghini bolmaydu. U xitayning basturushi tüpeyli halak bolmaydu."

Xewerlerge qarighanda, 4 - iyun xitayning tyen'enmén meydanida bixeterlik tedbirliri qattiq kücheytilgen bolup, bu künni herqandaq shekilde xatirilesh cheklen'gen.

Xitay da'iriliri 1989 - yilidin buyan mezkur basturushta öltürülgenlerning heqiqiy sanini élan qilishini we ularning a'ilide - tawabi'atliridin epu sorashni izchil ret qilip kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet