Һәптилик хәвәрләр: "һюго бос билән валкесваген қул қилинған уйғурлардин пайдилиниш арқилиқ тарихни тәкрарлиди"

Мухбиримиз әркин
2021-04-02
Share

Америка хәлқара диний әркинлик комитетиниң комиссари нури түркәл билән америкадики "симон вәйзәнтал мәркизи" йәр шари иҗтимаий һәрикәт программисиниң дериктори рабай абраһам купер 1-апрел "һәптилик хәвәрләр" жорнилида мақалә елан қилип, даңлиқ германийә маркиси һюго бос билән волкес-вагенни тәнқид қилған. Мақалидә ейтилишичә, һюго бос билән волкес-ваген қул қилинған уйғурлардин пайдилиниш арқилиқ тарихни тәкрарлимақта икән.

Мақалидә уйғурлар вәзийитиниң йәһудиларниң мисирдин чиқиш һекайисигә охшимайдиған йери— бу ирқий қирғинчилиқниң һазир йүз бериватқанлиқи, һюго бос вә волкес-вагенниң натсислар германийәсидә йәһудиларни қул қилип ишлитиштәк кәчмишлиридин савақ алмиғанлиқи тәнқидләнгән. Мақалидә тәкитлишичә, 2-дуня урушида қул ишчиларни натсист офтсерлириниң формисини тикишкә салған вә бу өтмүшидин "пушайман қилғанлиқи" ни билдүргән һюго босниң "шинҗаңдики содисида пәвқуладдә сәзгүр болуши тәләп қилинидикән."

Мақалидә йәнә волкес-вагенниң бурун натсистлар һакимийитиниң бир парчиси болуп, йәһудилар вә явропадики башқа хәлқләрни қул әмгикигә селиштәк кәчмишидин савақ алмиғандәк қиливатқанлиқи, униң үрүмчидә аптомобил завути болсиму, бирақ униңда һәрқандақ бир мәсилә барлиқини рәт қилип кәлгәнликини тәнқид қилған. Мақалидә көрситишичә, германийә һөкүмити өзиниң өтмүшидин савақ елип, һюго бос билән волкес-вагендин уларниң "шинҗаң тәминат зәнҗиридә пакиз болушини тәләп қилиши керәк" икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт