Хунәндә намайишчилар сақчиханиға һуҗум қилған

Мухбиримиз җүмә
2015.06.20


BBC Ниң хәвәр қилишичә, 19 - июн хунән өлкисидә намайиш йүз берип, намайишчилар сақчиханиға һуҗум қилип киргән, намайишта 13 адәм қолға елинған.

Намайиш даириләр өткән айда намайишчиларниң йезисида өлүп кәткән аялниң делосини яхши бир тәрәп қилғанлиқи сәвәбидин келип чиққан.

Мәлум болушичә, намайишчиларға туғқан келидиған бир аял өткән айда намәлум сәвәбләр билән өлүп кәткән.

Һөкүмәт хадимлириниң ейтишичә, даириләр у аялниң чашқан дорисидин зәһәрлинип өлгәнликини билдүргән.

Һалбуки, у аялниң туғқанлири аялни униң ери олтурувәтти дәп қарап униң ерини урған, һөкүмәт хадимлири тосушқа урунғанда уларни гөрүгә еливалған.

Сақчилар намайишниң пәйшәнбә күни йүз бәргәнлики, җүмә күни кеңәйгәнлики, 100 дин артуқ сақчини һәрикәткә кәлтүрүп намайишни тинчитқанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.