Австралийә гезити хитайниң уйғур ички әзалирини қараңғу базарда сетиватқанлиқини хәвәр қилған

Мухбиримиз әркин
2021.11.01
Share on WhatsApp
Share on WhatsApp

Австралийәниң мелборин шәһиридә чиқидиған “қуяш хәвәрчиси” гезити хитайниң уйғурларниң ички әзалирини қараңғу базарда сетиватқанлиқини хәвәр қилған. “һиндистан вақти” гезити, мелбориндики “қуяш хәвәрчиси” гезитиниң йеқинда уйғурлар учраватқан хорлашларға даир бир доклат елан қилип, қорқунчлуқ тәпсилатларни ашкарилиғанлиқини билдүргән. Хәвәрдә ейтилишичә, бу доклатта уйғурларға аит болған “бир сағлам җигәрниң қандақ қилип қараңғу базарда 160 миң долларға сетилғанлиқи, хитайниң бу содидин йилиға аз дегәндә бир милярд доллар кирим қилидиғанлиқи” тәпсилий йезилған икән.

Бу, хитайниң тунҗи қетим лагердики уйғурларниң ички әзалирини сетип, ички әза әткәсчилики қилиш билән әйиблиниши әмәс. Бу йил 6-айда б д т кишилик һоқуқ мутәхәссислириму хитайниң уйғур ички әзалирини сетиватқанлиқиға аит ишәнчлик доклатлардин қаттиқ әндишигә чүшкәнликини елан қилған. Мутәхәссисләр етник, тил вә диний аз санлиқ тутқунларға қарита мәҗбурий қан тәкшүрүш елип берилғанлиқи, “ултра аваз” үскүниси вә рентгенға чүшүрүлгәнлики, тәкшүрүш нәтиҗисиниң ички әза көчүрүш санлиқ мәлумат амбириға йүкләнгәнликини билдүргән.

“һиндистан вақти” гезитиниң ейтишичә, “қуяш хәвәрчиси” ниң доклатида хитайниң ички әза көчүрүш дохтурханилириниң лагерлардин анчә йирақ җайда әмәслики, дохтурханилардики оператсийә қетим сани вә бимарларниң ички әза сақлаш вақтиниң қисқилиқи узун вақиттин буян кәң көләмлик “ички әза ‍әткәсчилики” йүз бериватқанлиқини көрситип бериватқанлиқи тәкитләнгәникән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.