Хитай пиланлиқ туғут комитети қанунсиз ички әза көчүрүшни қаттиқ җазалайдиғанлиқини билдүрди

Мухбиримиз әркин
2014-08-18
Share

Хитай пиланлиқ туғут комитетиниң мәсул әмәлдари ваң йүшиң хитайда адәм ички әзасини көчүрүшни назарәт қилиш сестимиси қуруп, қанунсиз ички әза көчүрүшни, елип - сетишни, ички қисимда тәқсим қилишни вә мәһбусларниң ички әзасини көчүрүшни қаттиқ җазалайдиғанлиқини билдүргән. У, бу сөзләрни дүшәнбә күни бейҗиңда өткүзүлгән бир дохтурхана вә ички әза башқуруш органиниң йиғинида қилған.

Ваң йүшиң бу сөзләрни қилиштин бир қанчә күн аввал, канадалиқ кишилик һоқуқ паалийәтчиси етин гутман америка демократийәни алға сүрүш фонди җәмийитидә доклат берип, хитай даирилириниң 2000 - йилдин 2008 - йилғичә 65 миң фалунгуң мәһбусиниң ички әзасини еливалғанлиқини билдүргән.

У йәнә, хитай сәһийә вә әдлийә даилириниң тил бириктүрүп, мәһбуслар ички әзалирини еливелиш содиси 1990 - йиллири уйғур илидин башланғанлиқини, уйғур сияси мәһбуслириниң ички әзалири елинғанлиқини илгири сүргән. Етин гутманниң ашкарилишичә, уйғур сияси мәһбуслириниң ички әзасини еливелиш 1997 - йили йүз бәргән ғулҗида «5 - феврал вәқәси»дин кейин әвҗигә чиққан. У, 12 - авғуст хитайдики қанунсиз ички әза содиси тема қилинған «қирғинчилиқ» мавзулуқ китабиниң нәшр қилиниш мунасивити билән доклат бәргән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт