Xitay pilanliq tughut komitéti qanunsiz ichki eza köchürüshni qattiq jazalaydighanliqini bildürdi

Muxbirimiz erkin
2014-08-18
Share

Xitay pilanliq tughut komitétining mes'ul emeldari wang yüshing xitayda adem ichki ezasini köchürüshni nazaret qilish séstimisi qurup, qanunsiz ichki eza köchürüshni, élip - sétishni, ichki qisimda teqsim qilishni we mehbuslarning ichki ezasini köchürüshni qattiq jazalaydighanliqini bildürgen. U, bu sözlerni düshenbe küni béyjingda ötküzülgen bir doxturxana we ichki eza bashqurush organining yighinida qilghan.

Wang yüshing bu sözlerni qilishtin bir qanche kün awwal, kanadaliq kishilik hoquq pa'aliyetchisi étin gutman amérika démokratiyeni algha sürüsh fondi jem'iyitide doklat bérip, xitay da'irilirining 2000 - yildin 2008 - yilghiche 65 ming falun'gung mehbusining ichki ezasini éliwalghanliqini bildürgen.

U yene, xitay sehiye we edliye da'ilirining til biriktürüp, mehbuslar ichki ezalirini éliwélish sodisi 1990 - yilliri Uyghur ilidin bashlan'ghanliqini, Uyghur siyasi mehbuslirining ichki ezaliri élin'ghanliqini ilgiri sürgen. Étin gutmanning ashkarilishiche, Uyghur siyasi mehbuslirining ichki ezasini éliwélish 1997 - yili yüz bergen ghuljida "5 - Féwral weqesi"din kéyin ewjige chiqqan. U, 12 - awghust xitaydiki qanunsiz ichki eza sodisi téma qilin'ghan "Qirghinchiliq" mawzuluq kitabining neshr qilinish munasiwiti bilen doklat bergen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet