Ichki mongghul bayannur yayliqidiki naraziliq bildürgen mongghullar tutqun qilindi

Muxbirimiz méhriban
2016-05-17
Share

Xitayning sina torida élan qilin'ghan resimlik xewerde 17-may küni ichki mongghulning bayannur shehiri ottura urat xoshuti (nahiyisi)da hökümet binasi aldigha yighilip, nahiyidiki alyumin zawutini taqashni telep qilghan mongghul charwichilarning tutqun qilin'ghanliqi melum boldi.

Mezkur xewer sina toridiki melum blog sahibi teripidin xitay waqti seyshenbe küni kechte yollan'ghan. Xewerde bayannur shehiri ottura urat xoshut hökümet da'irilirining seyshenbe küni etigen bir türküm alahide saqchilarni ewetip, hökümet binasi aldigha naraziliqini bildürüshke kelgen mongghullarni tutqun qilin'ghanliqi tilgha élin'ghan. Emma konkrét qanchilik ademning tutqun qilin'ghanliqi heqqidiki tepsilat bérilmigen hem xitay hökümet tereptinmu bu heqte birer resmiy uchur élan qilinmighan.

Ichki mongghulning bayannur shehirige qarashliq ottura urat xoshutida 5-ayning 9-küni we 13-künliri mongghul charwichilarning naraziliq namayishi yüz bergen bolup, melum bolushiche, 17-may küni tutqun qilin'ghan mongghullar eyni chaghdiki naraziliq herikitige qatnashqanlar iken.

10-May küni radiyomizgha ehwalni bildürgen mongghul charwichilar xitayning mezkur nahiyide qurghan alyumin zawutidin chiqqan kéreksiz maddilardin zeherlinip ölgen charwiliri üchün hökümettin tölem bérish we nahiyidiki alyumin zawutini taqash telipini bildürgen 300 dek mongghul charwichining xoshutluq hökümet aldigha yighilip naraziliq namayishi qilghanliqini bildürgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet