Канада парламентиға “адәм ичкий әза әткәсчиликини чәкләш қанун лайиһәси” сунулған

Мухбиримиз әркин
2021.06.18
Share on WhatsApp
Share on WhatsApp

Канада парламентиға “адәм ичкий әза әткәсчиликликини чәкләш қанун лайиһәси” сунулған. Мәзкур қанун лайиһәси б д т ниң 12 нәпәр кишилик һоқуқ мутәхәсисси 15-‍июн баянат елан қилип, хитайға уйғурларни ‍өз ичигә алған аз санлиқ милләтләр вә фалунгоң қатарлиқ диний гуруппиларниң ичкий әза көчүрүшниң нишаниға айланғанлиқиға аит “ишәнчилик учурлар” ға еришкәнликини елан қилған мәзгилдә сунулған.

Мутәхәсиссләр хитайдики етник яки диний аз санлиқ милләт тутқунлириниң мәҗбурий һалда қени тәкшүрүлидиғанлиқи, ултра авазлиқ әсваб вә рентегинлиқ әсваблар билән ичкий әзалириниң тәкшүрүлүп, учурлириниң хитайниң җанлиқ ичкий әза санлиқ амбириға киргүзүлидиғанлиқини билдүргән иди.

“хитайда ичкий әза көчүрүш дәпсәндичиликигә хатимә бериш хәлқара иттипақи” 15-июн баянат елан қилип, S-204 номурлиқ “ичкий әза әткәсчиликини чәкләш қанун лайиһәси” ниң канада кеңәш палатасида оттуриға қоюлғанлиқи, әмди “канада авам палатасинң һәрикәткә ‍өтүш вақти кәлгәнлики” ни ейтқан.

Канаданиң “ичкий әза әткәсчиликини чәкләш қанун лайиһәси” тунҗи қетим 2008-йили сунулған болуп, униңға һазирға қәдәр көп қетим түзүтүш киргүзүлгән. “хитайда ичкий әза көчүрүш дәпсәндичиликигә хатимә бериш хәлқара иттипақи” ниң баянатида, бу қанун лайиһәсиниң 12 нәпәр б д т тәкшүргүчиси вә кишилик һоқуқ мутәхәсиссиниң хитай даирилириға бесим ишлитип, фалугоңчилар, уйғурлар, тибәтләр, мусулманлар вә хиристянларниң ичкий әзалирини мәҗбурий алғанлиқиға җавап беришни тәләп қилған һалқилиқ мәзгилгә тоғра кәлгәнликини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.