Kanada parlaméntigha “Adem ichkiy eza etkeschilikini cheklesh qanun layihesi” sunulghan

Muxbirimiz erkin
2021.06.18
Share on WhatsApp
Share on WhatsApp

Kanada parlaméntigha “Adem ichkiy eza etkeschiliklikini cheklesh qanun layihesi” sunulghan. Mezkur qanun layihesi b d t ning 12 neper kishilik hoquq mutexesissi 15-‍iyun bayanat élan qilip, xitaygha Uyghurlarni ‍öz ichige alghan az sanliq milletler we falun'gong qatarliq diniy guruppilarning ichkiy eza köchürüshning nishanigha aylan'ghanliqigha a'it “Ishenchilik uchurlar” gha érishkenlikini élan qilghan mezgilde sunulghan.

Mutexesissler xitaydiki étnik yaki diniy az sanliq millet tutqunlirining mejburiy halda qéni tekshürülidighanliqi, ultra awazliq eswab we réntéginliq eswablar bilen ichkiy ezalirining tekshürülüp, uchurlirining xitayning janliq ichkiy eza sanliq ambirigha kirgüzülidighanliqini bildürgen idi.

“Xitayda ichkiy eza köchürüsh depsendichilikige xatime bérish xelq'ara ittipaqi” 15-iyun bayanat élan qilip, S-204 nomurliq “Ichkiy eza etkeschilikini cheklesh qanun layihesi” ning kanada kéngesh palatasida otturigha qoyulghanliqi, emdi “Kanada awam palatasinng heriketke ‍ötüsh waqti kelgenliki” ni éytqan.

Kanadaning “Ichkiy eza etkeschilikini cheklesh qanun layihesi” tunji qétim 2008-yili sunulghan bolup, uninggha hazirgha qeder köp qétim tüzütüsh kirgüzülgen. “Xitayda ichkiy eza köchürüsh depsendichilikige xatime bérish xelq'ara ittipaqi” ning bayanatida, bu qanun layihesining 12 neper b d t tekshürgüchisi we kishilik hoquq mutexesissining xitay da'irilirigha bésim ishlitip, falugongchilar, Uyghurlar, tibetler, musulmanlar we xiristyanlarning ichkiy ezalirini mejburiy alghanliqigha jawap bérishni telep qilghan halqiliq mezgilge toghra kelgenlikini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.